చైతన్య రథంపై బాలయ్య?

బాలయ్య చైతన్య రథం ఎక్కారు. మైక్ చేతపట్టుకున్నారు. నా తెలుగింటి ఆడపడుచులకు అనేసారు. ఏమిటిదంతా? 2019ఎన్నికలు ఇంకా చాలా దూరంలో వున్నాయి. అయినా బాలయ్య స్టయిల్ ఇది కాదే. మరేమిటి?

ఇదంతా ఎన్టీఆర్ బయోపిక్ కోసం చేస్తున్న టీజర్ వ్వవహారం. ఎన్టీఆర్ జయంతి రోజున బయోపిక్ టీజర్ విడుదలవుతుంది. దాని కోసం నిన్న, ఈరోజు రామకృష్ణ సినీ స్టూడియోస్ లో చిత్రీకరణ జరిపారు. ఈ టీజర్ చిత్రీకరణ విశేషాలు చాలా గోప్యంగా వుంచారు. టీజర్ లో బాలయ్య ఏ గెటప్ లో కనిపిస్తారో అన్నది బయటకు తెలియడం లేదు. 

అయితే విశ్వసనీయ వర్గాల బోగట్టా ప్రకారం టీజర్ లో బాలయ్య ఫేస్ కనిపించదు. ఖాకీ ఫ్యాట్, ఖాకీ చొక్కాలో వెనుక నుంచి మాత్రం కనిపిస్తారు. చేతిలో మైక్ వుంటుంది. 1983లో ఎన్టీఆర్ తొలిసారి చైతన్య రథం అధిరోహించిన సీన్ టీజర్ లో వుండబోతోందని తెలుస్తోంది. ఆ సీన్లో బాలయ్య ఎన్టీఆర్ గెటప్ లో కనిపిస్తారు. కానీ ఫేస్ చూపించరు. కేవలం వెనుక నుంచి మాత్రం చూపిస్తారు. అదీ సంగతి.