Epaper
కలర్స్ స్వాతి అటు టీవీలోనూ ఇటు సినిమాల్లోనూ షార్ట్ టైమ్ సంచలనం సృష్టించి, చటుక్కున పెళ్లిచేసుకుని, విదేశాలకు వెళ్లిపోయింది. మళ్లీ తరువాత ఎప్పుడో ఓసారి టీవీలో కనిపించడం తప్ప సినిమాల్లోకి రాలేదు. అయితే మళ్లీ సినిమాలు చేసినా చేయకున్నా, ఓ సినిమా మాత్రం చేయకతప్పదని తెలుస్తోంది.
నిఖిల్-స్వాతి కలిసి చేసిన ఆల్ టైమ్ హిట్ సినిమా కార్తికేయ. ఇప్పుడు ఈ సినిమాకు సీక్వెల్ తయారవుతోంది. కార్తికేయ 2. ఈ సినిమాలో నిఖిల్ తో పాటు కమెడియన్ సత్య, హీరోయిన్ స్వాతి మళ్లీ కనిపిస్తారని తెలుస్తోంది. సినిమాలో వేరే హీరోయిన్ వున్నా, స్వాతి కూడా వుంటుందని, కార్తికేయ పార్ట్ వన్ లో నిఖిల్ తో స్వాతి పెళ్లి అన్న పాయింట్ తో పార్ట్ 2 ప్రారంభం అవుతుందని తెలుస్తోంది.
కాస్త భారీ బడ్జెట్ తోనే తయారయ్యే ఈ సినిమాకు చందు మొండేటినే దర్శకుడు. దేశంలో పురాతన లొకేషన్లలలో షూటింగ్ జరుపుకునే ఈ సినిమాకు మరో హీరోయిన్ ను కూడా తీసుకుంటారు. పీపుల్స్ మీడియా విశ్వప్రసాద్ నిర్మాత.