cloudfront

Advertisement


Home > Movies - Movie Gossip

దేవీ-బోయపాటి మళ్లీ చేస్తారా?

దేవీ-బోయపాటి మళ్లీ చేస్తారా?

సంగీత దర్శకుడు దేవీశ్రీ ప్రసాద్-దర్శకుడు బోయపాటి శ్రీనివాస్ ఓ హిట్ కాంబినేషన్. చిరకాలంగా సాగుతోంది వీరిద్దరి ప్రయాణం. మధ్యలో బోయపాటి ఓసారి 'పిండేసాను' అని ఓపెన్ గా అన్నమాట వల్ల కాస్త గ్యాప్ వచ్చినట్లు అనిపించినా, బోయపాటి తానే సర్దుకుని, అలాంటిది ఏమీలేదని క్లారిటీ ఇచ్చారు. ఆపైన ఆ ప్రయాణం జయజానకీనాయక మీదుగా వినయ విధేయరామ వరకు కొనసాగింది.

అయితే ఇకపై ఈ జర్నీ వుంటుందా? వుండదా? అన్న గుసగుసలు ఇండస్ట్రీలో వినిపిస్తున్నాయి. ఇటీవల ఈ ఇద్దరి మధ్య కాస్త గ్యాప్ పెరిగిందని, దాని ఫలితం వినయ విధేయ రామ అడియో మీద కూడా పడిందని ఇండస్ట్రీలో కామెంట్లు వినిపిస్తున్నాయ. అంతేకాదు, వినయ విధేయరామ సినిమాలో హీరో ఎక్కువసేపు కనిపించని రెండు కీలక ఎపిసోడ్ లు వున్నాయట.

ఈ రెండుకీలక ఎపిసోడ్ లను ఆర్ ఆర్ తో రక్తికట్టించాల్సి వుందట. మరి వీటికి దేవీ ఏం చేస్తాడో? అన్న డిస్కషన్లు కూడా వినిపిస్తున్నాయి. మరోపక్క ఇంకో వెర్షన్ కూడా వినిపిస్తోంది. దేవీ ఈ మధ్య పాటల మీద శ్రద్ధ తగ్గించారని, అమెరికాలో షోలు అలాంటి వాటి మీద దృష్టి ఎక్కువ పెట్టారని, అందువల్ల అతని దగ్గర నుంచి సరైన అడియో రావడంలేదని కూడా టాక్ వుంది.

ఇలాంటి నేపథ్యంలో దేవీ-బోయపాటి కాంబినేషన్ రాబోయే బాలయ్య సినిమాకు వుంటుందా? అన్న డౌట్ వినిపిస్తోంది ఇండస్ట్రీలో? కానీ సమస్య ఏమిటంటే, దేవీని రీప్లేస్ చేద్దామన్నా, తెలుగు ఇండస్ట్రీకి పెద్దగా సాధ్యంకావడం లేదు.

జనసేన అన్ని స్థానాల్లో పోటీ పవన్ కళ్యాణ్ ధైర్యమేంటి?

మహిళా మంత్రికి సలహాలు.. పోటీ చేయకమ్మా డబ్బులు మిగులుతాయ్