జయమ్ము వెనుక ఆర్జీవీ టీమ్?

జయమ్ము నిశ్చయమ్మురా సినిమా విడుదలయింది. విడుదలకు రెండు రోజులు ముందుగానే ప్రీమియర్లు పడ్డాయి. ప్రీమియర్లు పడిన దగ్గర నుంచి ట్విట్టర్ లో ఈ సినిమాపై ట్వీట్ లు హోరెత్తాయి. అలా ట్వీట్ లు చేసిన వారిలో డైరక్టర్ రామ్ గోపాల్ వర్మ బ్యాచ్ జనాలు కూడా ఎక్కువగా వుండడం విశేషం. 

ఏమిటిదంతా? అని ఆరా తీస్తే, జయమ్ము సినిమా వెనుక ఆద్యంతం ఆర్జీవీ నేరుగా కాకున్నా, పరోక్షంగా వున్నారని వినిపిస్తోంది. జయమ్ము పబ్లిసిటీ ప్లానింగ్, ప్రీమియర్ షోలు, సోషల్ నెట్ వర్క్ సైట్లలో మంచి టాక్ తీసుకురావడం మాత్రమే కాదు, నిర్మాణంలో కూడా అడుగడుగనా ఆర్జీవీ సన్నిహితులు, బంధువులు వున్నారట.  

అందుకే ఆఖరికి హీరోయిన్ పూర్ణ ఇంటర్వూలను కూడా మీడియా కోసం వర్మ శిష్యుడు జెడి చక్రవర్తి ఆఫీస్ లో ఏర్పాటు చేయడం విశేషం. జయమ్ము..సినిమా డైరక్టర్ రాజ్ కనుమూరి గతంలో రామ్ గోపాల్ వర్మ దగ్గర శిష్యరికం చేసిన సంగతి తెలిసిందే.