Epaper
తమలపాకుతో నువ్వు ఒకటి అంటే, తలుపు చెక్కతో నేను ఒకటి అంటిస్తా అన్నది సామెత. సినిమా జనాల విషయంలో తాను తెలుసుకున్నవి, తాను అనుభవించినవి, తాను విన్నవి కలగలిపి శ్రీరెడ్డి తన చిత్తానికి లీకులు ఇచ్చుకుంటూ పోయింది.
ఇప్పుడు టైమ్ మారింది. శ్రీరెడ్డి పై మరో నటి కరాటే కళ్యాణి తన లీకులు స్టార్ట్ చేసింది. గతంలోనే చానెళ్ల సాక్షిగా కరాటే కళ్యాణి కొన్ని ఆరోపణలు చేసింది. శ్రీరెడ్డికి భారీగా ఆస్తులు వున్నాయని, ఖరీదైన కార్లు వున్నాయని చెప్పింది. ఇప్పుడు వాటికి ఆధారాలు బయటపెట్టడం ప్రారంభించింది.
తొలివిడతగా కూకట్ పల్లిలో వున్న విలువైన ఫ్లాట్ లోకి గృహప్రవేశం చేసిన సందర్భంగా తల్లితో కలిసి శ్రీరెడ్డి తీసుకున్న ఫొటోను కళ్యాణి లీక్ చేసారు.
తల్లితో సంబంధాలు ఏనాడో తెగిపోయాయని చెప్పిన శ్రీరెడ్డి, ఇటీవలే గృహప్రవేశానికి తల్లితో కలిసిన సంగతికి సమాధానం చెప్పాలని కోరారు.
అస్సలు డబ్బులు లేవని చెప్పిన శ్రీరెడ్డి ఈ ఫ్లాట్ కొనడానికి డబ్బులు ఎలా వచ్చాయో చెప్పాలని కళ్యాణి డిమాండ్ చేసింది.
మరి కొన్ని లీకులు కూడా వుంటాయని, అయితే తనకు ఆధారాలు అందినపుడు వాటిని లీక్ చేస్తానని కళ్యాణి పేర్కొనడం విశేషం.