లింగుస్వామికి అదే మైనస్ అయిందా?

లింగుస్వామి..మాంచి మాస్ మసాలా సినిమాలు అందించిన డైరక్టర్. బన్నీతో ఓ సినిమా చేయబోతున్నాడని బలమైన వార్తలు వినిపిస్తూ వస్తున్నాయి. కానీ ఇప్పుడు ఆ ప్రాజెక్టు పక్కన పడింది. నిజానికి బన్నీ తమిళ-తెలుగు-మలయాళాల్లో లింగుస్వామితో ఓ సినిమా చేయాలనే అనుకున్నాడట. కానీ ఓ చిన్న సమస్య వెనక్కు లాగినట్లు తెలుస్తోంది. 

లింగుస్వామి దర్శకుడు మాత్రమే కాదు. నిర్మాత..డిస్ట్రిబ్యూటర్ కూడా. ఆ మధ్య తమిళంలో కాస్త గట్టి దెబ్బలు తిన్నాడు. అప్పటి నుంచీ అక్కడి బయ్యర్లు, డిస్ట్రిబ్యూటర్లు లింగుస్వామి మళ్లీ ఎప్పుడు సినిమా చేస్తాడా అని కాసుకుని వున్నారట. దాన్ని ఆపి, బాకీలు వసూలు చేసుకోవచ్చని. ఇప్పుడు అదే లింగుస్వామి.. బన్నీ సినిమా అవకాశాలను దెబ్బ తీసిందని వినికిడి. 

లింగుస్వామితో సినిమా చేస్తే, ఇక విడుదల టైమ్ లో తమిళనాట తలకాయ నొప్పులు తప్పవని, ప్రాజెక్టును పక్కన పెట్టారట అరవింద్. అందుకే హరీష్-దిల్ రాజు కాంబినేషన్ లో ఓకె చేసారట. ఫినిషింగ్ టచ్ ఏమిటంటే.. పేరుకి దిల్ రాజు సినిమా కానీ, తెరవెనుక లావాదేవీల్లో అరవింద్ గారి గీతాఆర్ట్స్ కు కూడా పార్టనర్ షిప్ వుందట. అదీ సంగతి.