Epaper
ఈ సమ్మర్ సెన్సేషన్ మహర్షి. సూపర్ స్టార్ మహేష్ బాబుతో దర్శకుడు వంశీ పైడిపల్లి రూపొందించిన సినిమా ఇది. ఈ సినిమా కథ మీద మొదట్నించీ యూనిట్ కు మంచి హోప్ వుంది. నిర్మాత పివిపి దగ్గర వుండి ఈ స్క్రిప్ట్ చేయించుకున్నారు అని టాక్. ఈ సినిమా కనుక జనాలు బాగా రిసీవ్ చేసుకుంటే, దీన్ని తమిళ్ లో రీమేక్ చేయాలనే ఆలోచనలో వున్నారట నిర్మాత దిల్ రాజు.
ఎఫ్ 2 సినిమాతో బాలీవుడ్ లో నిర్మాతగా ఎంట్రీ ఇవ్వాలనుకుంటున్నారు దిల్ రాజు. అలాగే ఇప్పుడు మహర్షి సినిమాతో తమిళనాట విజయ్ తో ఎంట్రీ ఇవ్వాలని అనుకుంటున్నారని టాక్ వినిపిస్తోంది. మహర్షి లాంటి మెసేజ్ ఓరియెంటెడ్, స్టయిలిష్ సబ్జెక్ట్ లు అంటే విజయ్ కచ్చితంగా ఊ అంటాడు.
సో, మహర్షి సినిమా తెలుగునాట హిట్ కొడితే, తమిళంలోకి ఎంట్రీ పక్కా అని తెలుస్తోంది. అయితే ఇదంతా ఇంకా చాలా ఎర్లీ స్టేజ్. ఎవరు డైరక్టర్? వంశీయేనా? ఎప్పుడు? ఇవన్నీ మహర్షి సినిమా విడుదల తరువాత తెలిసే విషయాలు. ప్రస్తుతానికి దిల్ రాజు ఆలోచనలో మాత్రమే వున్న పాయింట్ ఇది.