మహేష్‌ బాబూ.. ఈ కెలుకుడెందుకు?

అందరు హీరోలతో మంచి రిలేషన్స్‌ మెయింటైన్‌ చేసే మహేష్‌బాబుకి తన పనేదో తను చూసుకోవడమే తప్ప కాంట్రవర్సీలు పడవు. అయితే సడన్‌గా ఆగడు టీజర్‌లో ‘సింహాలు పులులతో ఎదవ కంపారిజన్లు ఆపండంటూ’ ఇతర హీరోలకి చురకలేసిన మహేష్‌ పెద్ద షాకిచ్చాడు. ఇది చాలా కాంట్రవర్షియల్‌ డైలాగ్‌ అని తెలిసినా కానీ దానికి మహేష్‌ అభ్యంతరం చెప్పలేదు. 

పైగా దీనిని టీజర్‌లో పెట్టడం చూస్తే ఫాన్స్‌కి జోష్‌ తేవడానికే దీనిని వాడారనిపిస్తోంది. ఖచ్చితంగా చర్చనీయాంశమవుతుందని తెలిసినా కానీ దీనిని ప్రమోట్‌ చేసారు. పవన్‌కళ్యాణ్‌, బాలకృష్ణ, ఎన్టీఆర్‌ తదితర హీరోల గురించి రచయితలు సింహాలతో కంపేర్‌ చేస్తూ డైలాగులు రాసారు. ఆ మాటకొస్తే మహేష్‌కి కూడా అలాంటి డైలాగులున్నాయి. 

ఏదేమైనా కానీ ఇది కావాలని ఇతర హీరోలని కెలికినట్టు అనిపించింది. దీని వల్ల ఆల్రెడీ ఫాన్స్‌ మధ్య వార్స్‌ స్టార్ట్‌ అయ్యాయి. దీనికి వివరణలు ఇచ్చుకోవాల్సిన అవసరం మహేష్‌కి, శ్రీను వైట్లకి తొందర్లోనే వచ్చేటట్టు కనిపిస్తోంది. ఒక్క పంచ్‌ డైలాగ్‌ కోసం అంతమందిని హర్ట్‌ చేయాల్సిన అవసరం దేనికో వాళ్లిద్దరికే తెలియాలి.