మళ్లీ మహేశ్, శ్రుతిహాసన్ ల కాంబినేషన్!

'శ్రీమంతుడు'' సినిమాతో హిట్ పెయిర్ గా.. బెస్ట్ పెయిర్ గా నిలిచింది మహేశ్- శ్రుతిహాసన్ ల కాంబినేషన్. అది కూడా చూడచక్కని పెయిర్ గా కనువిందు చేసింది ఈ జంట. ప్రత్యేకించి వీరిద్దరి మధ్య లవ్ సీన్స్ ను సెన్సిబుల్ గా చిత్రీకరించి.. వీరిని చాలా అందంగా చూపాడు దర్శకుడు కొరటాల శివ. ఆది నుంచి తుది వరకూ అటు హీరోయిన్ క్యారెక్టర్ కు కూడా ప్రాధాన్యం ఉండటం.. సినిమా సూపర్ హిట్ కావడంతో.. మహేశ్, శ్రుతిల కాంబినేషన్ హిట్ పెయిర్ అయ్యింది.

ఇప్పుడు విశేషం ఏమిటంటే.. ఈ కాంబినేషన్ మళ్లీ రిపీట్ కానున్నట్టుగా తెలుస్తోంది. మహేశ్ సినిమాలో శ్రుతి నటించే అకవాశాలున్నాయి. అది మురగదాస్ కాంబినేషన్ సినిమాలో. మహేశ్-మురుగల కాంబోలో.. తెలుగు, తమిళ, హిందీ భాషల్లో రూపొందనున్న సినిమాలో ఒక హీరోయిన్ గా శ్రుతి ఖాయమైనట్టు సమాచారం. 

ఇది వరకూ కూడా శ్రుతికి మురుగతో కలిసి పనిచేసిన అనుభవం ఉంది. ఇలాంటి నేపథ్యంలో ఆ దర్శకుడు శ్రుతి పేరు చెప్పి.. మహేశ్ ను సులభంగా ఒప్పించగలిగాడు. మరి శ్రీమంతుడుతో సత్తా చాటిన ఈ జంట మరోసారి కనువిందు చేయనుందనమాట!