మళ్లీ రావా డైరక్టర్ తో నాని

హారిక హాసిని సిస్టర్ కన్ సర్న్ సితార ఎంటర్ టైన్ మెంట్స్. ఇప్పటికే ప్రేమమ్, బాబు బంగారం సినిమాలు అందించింది. ఇప్పుడు శైలజరెడ్డి అల్లుడు, శర్వానంద్ సినిమాలు ప్రొడక్షన్ లో వున్నాయి. మరో రెండు సినిమాలు ప్రకటించడానికి రెడీ అవుతోంది. ఇందులో ఒక ప్రాజెక్టును రేపు ప్రకటిస్తున్నారు. నాని హీరో. ఈ సినిమాకు తిన్ననూరి గౌతమ్ (మళ్లీరావా సినిమా ఫేమ్) దర్శకత్వం వహిస్తారు.

ఈ సినిమాలో నాని కొత్త క్యారెక్టర్ లో కనిపిస్తాడని తెలుస్తోంది. యంగ్ ప్రేమికుడిగా కాకుండా, కాస్త థర్టీ ప్లస్ ప్రేమికుడిగా కనిపిస్తాడు. హీరోయిన్ ను ఇంకా ఫిక్స్ చేయలేదు. ఈరోజు ఫైనల్ అయితే హీరోయిన్ ఫేరుతో సహా రేపు ప్రకటిస్తారు. లేదూ అంటే కేవలం హీరో, డైరక్టర్ పేర్లతో ప్రాజెక్టు ప్రకటిస్తారు.

వాస్తవానికి ఈ కథను దర్శకుడు గౌతమ్ ముందుగా బెల్లంకొండ శ్రీనివాస్ కు చెప్పారు. అయితే కాస్త థర్టీప్లస్ క్యారెక్టర్, మెచ్యూర్డ్ లవ్ స్టోరీ అంటే బెల్లంకొండ శ్రీనివాస్ కు నప్పదని ఆగిపోయారు. అప్పుడు ఆ కథ నాని దగ్గరకు వెళ్లింది. కాస్త వైవిధ్యమైన కథల కోసం చూస్తున్న నాని వెంటనే సింగిల్ సిటింగ్ లో కథ ఓకె చేసాడని తెలుస్తోంది.

నితిన్ తో వెంకీ కుడుమల

ఇదిలా వుంటే సితార ఎంటర్ టైన్ మెంట్స్ ఆరో సినిమాగా వెంకీ కుడుమల-నితిన్ ప్రాజెక్టు ఫిక్సయింది. ఈ సినిమా ప్రకటన మరో వారం రోజుల్లో వుంటుంది. దీనికి కూడా హీరోయిన్ ఎంపిక బకాయివుంది. కథ మొత్తం రెడీగా వుంది. దర్శకుడు వెంకీ అమలాపురం వెళ్లి అక్కడ శ్రీనివాస కళ్యాణం షూట్ లో వున్న నితిన్ కు ఒక్కసారి ఫైనల్ నెరేషన్ ఇచ్చి వచ్చాక అనౌన్స్ మెంట్ వుంటుంది.