మళ్లీ టాలీవుడ్ కు వస్తుందట.. ఎవరూ పట్టించుకోరేంటి..!

కోలీవుడ్ లో బిజీగా ఉన్న రోజుల్లో తెలుగు సినిమాల్ని అస్సలు పట్టించుకోలేదు. చివరికి చిరంజీవి తన ప్రతిష్టాత్మక 150వ సినిమాలో ఆఫర్ చేసినప్పటికీ సాకులు చెప్పి తప్పించుకుంది. ఇప్పుడు నయనతార తమిళనాట ఫ్రీ అయింది. కుదిరితే తెలుగులో ఓ సినిమా చేసేందుకు రెడీగా ఉంది. కానీ ఈసారి ఈమెను పట్టించుకోవడానికి తెలుగు హీరోలు, నిర్మాతలు సిద్ధంగా లేరు.

మొన్నటివరకు అరమ్, వేళైకరన్ సినిమాలతో బిజీగా ఉన్న ఈ బ్యూటీ తాజాగా ఆరమ్ సినిమాను కంప్లీట్ చేసింది. వేళైక్కరన్ సినిమా కూడా మరో నెల రోజుల్లో కంప్లీట్ అయిపోతుంది. సో.. ఈ నెలాఖరుకు ఆమె ఖాళీ. అందుకే తెలుగులో ప్రయత్నాలు షురూ చేసింది నయన్. ఇందులో భాగంగా వెంకటేష్ కొత్త సినిమాలో ఛాన్స్ కోసం సంప్రదింపులు జరిపిందట. అయితే బాబు బంగారం సినిమా టైమ్ లో నయన్ ఏ రేంజ్ లో యూనిట్ కు చుక్కలు చూపించిందో అందరికీ తెలిసిందే. ఆ అనుభవం దృష్ట్యా నయనతారకు వెంకీ మళ్లీ ఛాన్స్ ఇస్తాడని ఎవరూ అనుకోరు.

ఇక చిరంజీవి అయితే ఇప్పటికే నయన్ పై అన్-అఫీషియల్ నిషేధం విధించారట. 151వ సినిమాలో హీరోయిన్ పొజిషన్ ఖాళీగానే ఉంది. కానీ నయనతార తప్ప ఎవరైనా ఓకే అనే కండిషన్ ఉందట. నాగ్, బాలయ్య కూడా తాము చేస్తున్న సినిమాలకు ఆల్రెడీ హీరోయిన్లను ఫిక్స్ చేసేశారు. సో.. ప్రస్తుతానికైతే ఈ ముద్దుగుమ్మకు టాలీవుడ్ లో చోటు లేదు.