మైండ్‌ బ్లాక్‌ అయిపోతుందట

శంకర్‌ డైరెక్షన్‌లో విక్రమ్‌ హీరోగా రూపొందుతోన్న ‘ఐ’ హంగామా స్టార్ట్‌ అయింది. శంకర్‌ సినిమా అంటే ఇండియా వైడ్‌గా ఉన్న సినీ ప్రియులంతా ఆసక్తిగా ఎదురు చూస్తారు. అందులోను వెరైటీకి పెట్టింది పేరయిన విక్రమ్‌ ఈ చిత్రంలో మూడు విభిన్నమైన గెటప్స్‌లో కనిపించబోతున్నాడు. 

రొమాంటిక్‌ థ్రిల్లర్‌ అంటూ శంకర్‌ ఈ చిత్రంతో కొత్త జోనర్‌ని టచ్‌ చేసి ఆసక్తి కలిగిస్తున్నాడు. ఈ చిత్రం గురించి ఏదీ బయటకి రాకుండా శంకర్‌ దీనిపై ఉన్న ఆసక్తిని రెట్టింపు చేసాడు. త్వరలోనే టీజర్‌తో ఈ చిత్రం ప్రమోషన్స్‌కి తెర తీయబోతున్నారు. ఈ టీజర్‌ చూసిన తర్వాత సినిమాపై అంచనాలు ఆకాశమే హద్దుగా  పెరిగిపోతాయని చూసిన వారంటున్నారు. 

ఐ టీజర్‌ చూస్తే మైండ్‌ బ్లాక్‌ అయిపోతుందని, ఇలాంటిది ఇంతవరకు ఇండియన్‌ స్క్రీన్‌పై చూసి ఉండరని, వరల్డ్‌ క్లాస్‌ ఫిలిం అని కితాబులు ఇచ్చేస్తున్నారు. దీపావళికి తెలుగు, తమిళంలో విడుదల కాబోతున్న ఈ చిత్రం ప్రత్యర్ధులకి ముచ్చెమటలు పట్టించడం ఖాయంగా కనిపిస్తోంది.