Epaper
బోల్డ్ కంటెంట్ బోల్డు వుంటే సినిమాకు బోల్డు లాభాలు వస్తాయనే ఆశలు వున్నాయేమో? ఏకంగా టైటిల్ లోనే 24 కిస్సెస్ అని పెట్టేసారు. అంటే ఇరవైనాలుగు గంటలు అదేపని అని అనుకోవాలేమో? ఈ సినిమా టీజర్ బయటకు వచ్చింది. అది చూస్తుంటే అదే నిజం అనిపిస్తోంది.
సినిమా టీజర్ యాభై సెకెండ్లలో ముద్దుల ముచ్చట తప్ప మరోటిలేదు. మధ్యలో కెమేరాను నేరుగా హీరోయిన్ ఎదమీదకు నేరుగా జూమ్ చేసే కార్యక్రమం కూడా. గతంలో మిణుగురులు సినిమా అందించిన అయోధ్య కుమార్ ఈ ముద్దుల పాయింట్ తోనో, ముద్దుల వీక్ నెస్ తోనో ఈ సినిమా అందిస్తున్నారు. హెబ్బాపటేల్ కథానాయిక. అరుణ్ అదిత్ కథానాయకుడు. వీకెండ్ లవ్, తుంగభద్ర, గరుడవేగ లాంటి సినిమాల్లో నటించాడు ఇతగాడు.
డిజిటల్ మీడియాలో ఇన్నాళ్లు వర్క్ చేస్తున్న సిల్లీ మాంక్స్ సంస్థ ప్రొడక్షన్ లోకి వచ్చి అందిస్తున్న తొలి సినిమా ఇది. ఆర్ ఎక్స్ 100 లాంటి బోల్డ్ కంటెంట్ సినిమా హిట్ అయిన నేపథ్యంలో ఈ సినిమాపై కూడా కాస్త అంచనాలు పెంచుకుంటారు బయ్యర్లు. టీజర్ కూడా అదే లక్ష్యంగా ముందుకు వెళ్లినట్లు కనిపిస్తోంది.