మైత్రీ నుంచి ఆ డైరక్టర్ కు అడ్వాన్స్

అర్జున్ రెడ్డి సినిమాతో ఇండస్ట్రీ దృష్టిని ఆకర్షించాడు దర్శకుడు వంగా సందీప్ రెడ్డి. మంచి సబ్జెక్ట్ వుంటే అతనితో సినిమా చేయడానికి హీరోలు చాలా మంది సుముఖంగానే వున్నారని వార్తలు వినవచ్చాయి.

అయితే ఎవరితోనూ ఫిక్స్ కాలేదు. కానీ ఈలోగా ఓ బడా నిర్మాణ సంస్థ మాత్రం అతగాడి చేతిలో యాభై లక్షల అడ్వాన్స్ పెట్టేసినట్లు తెలుస్తోంది. 

సినిమా రంగానికి బడా హీరోలు, భారీ డైరక్టర్లతోనే సినిమాలు చేయాలని వచ్చిన మైత్రీ మూవీస్ సంస్థ ఇప్పుడు మనసు మార్చుకున్నట్లు కనిపిస్తోంది. ఇప్పటికే చందు మొండేటి డైరక్షన్ లో నాగ చైతన్యతో ఓ సినిమా చేస్తోంది.

ఇప్పుడు కొత్త దర్శకుడు అయిన సందీప్ కు అడ్వాన్స్ ఇచ్చింది. బహుశా చిన్న సినిమాలు సాధిస్తున్న పెద్ద విజయాలు చూసో, లేక పెద్ద డైరక్టర్లతో సినిమాలు చేస్తూ, చేస్తున్న టైమ్ కిల్లింగ్, వస్తున్న టెన్షన్లు చూసో మైత్రీ ఈ నిర్ణయానికి వచ్చినట్లు కనిపిస్తోంది.