నితిన్ డైరక్టర్ భయపడుతున్నాడు

నితిన్ చేతిలో ప్రస్తుతానికి ఓకె చేసిన సినిమా ఒకటే వుంది. మల్లిడి వేణు అనే కొత్త దర్శకుడి సినిమా అది. కానీ ఇప్పుడు నితిన్ చూపు మరో వైపు పడింది. అదే త్రివిక్రమ్ శ్రీనివాస్ వైపు. త్రివిక్రమ్ కనుక ఊ అంటే, వెంటనే కాల్ షీట్లు ఇవ్వాడానికి, అవసరమైతే తక్కువ రెమ్యూనిరేషన్ కు చేయడానికి కూడా తాను సిద్దం అని సిగ్నల్స్ పంపాడట. 

అయితే ఇంకా అట్నుంచి రెస్పాన్స్ ఎలా వుంది అన్నది తెలియరాలేదు. ఈ లోగా ఈ పరిణామంతో, నితిన్ తో సినిమా చేద్దామని ఆశగా వున్న మల్లిడి వేణు కంగారు పడుతున్నట్లు బోగట్టా. ఎందుకంటే, నితిన్-త్రివిక్రమ్ సినిమా కన్ఫర్మ్ అయితే ఈయన సినిమా వెనకబడుతుంది కదా..అదీ కథ.