సల్మాన్ సరసన బన్నీ బ్యూటీ

డీజే సినిమాలో బన్నీ సరసన మెరిసిన పూజా హెగ్డే మరోసారి బాలీవుడ్ లో లక్ చెక్ చేసుకోబోతోంది. ఈసారి ఏకంగా సల్మాన్ ఖాన్ సినిమాలో నటించే ఛాన్స్ అందుకోబోతోంది. అన్నీ అనుకున్నట్టు జరిగితే సల్మాన్ ఖాన్ అప్ కమింగ్ మూవీ రేస్-3లో పూజా హెగ్డే హీరోయిన్ గా ఉంటుంది.

రేస్, రేస్-2 సినిమాల్లో స్టార్ హీరోయిన్లు నటించారు. కానీ రేస్-3 విషయంలో మాత్రం కాస్త మీడియం-ప్రొఫైల్ ఉన్న హీరోయిన్లను తీసుకోవాలని ఫిక్స్ అయ్యారు. దీనికి కారణం ఈ సినిమాకు నిర్మాత కూడా సల్మాన్ ఖాన్ కావడమే. బడ్జెట్ లో కోత కారణంగా కత్రినాకైఫ్, దీపిక లాంటి స్టార్ హీరోయిన్లు కాకుండా సోనాక్షి, జాక్వెలిన్ లాంటి మీడియం రేంజ్ భామల్ని తీసుకోవాలని అనుకుంటున్నాడు. ఇందులో భాగంగానే పూజా హెగ్డే పేరు తెరపైకొచ్చింది.

హిందీలో హృతిక్ రోషన్ సరసన మొహాంజదారో అనే సినిమా చేసింది పూజా. అది అట్టర్ ఫ్లాప్ అయింది. ఇప్పుడు సల్మాన్ సినిమాతో మరోసారి బాలీవుడ్ లో అదృష్టాన్ని పరీక్షించుకోవడానికి రెడీ అవుతోంది. ప్రస్తుతం ఈ బ్యూటీ తెలుగులో బెల్లంకొండ శ్రీనివాస్ సినిమాలో నటిస్తోంది.