పునరాలోచనలో గోపీచంద్?

చాణక్య సినిమా ఫలితం ఇప్పుడు హీరో గోపీచంద్ ను పునరాలోచనలో పడేసింది. తను ఎలాంటి సినిమాలు చేస్తే, సక్సెస్ అవుతాననే ఆలోచనలో పడినట్లు తెలుస్తోంది. చేతిలో వున్న రెండు సినిమాలు చేయడమా? మానడమా? లేదా కథలు మార్చడమా? అనే ఆలోచన చేస్తున్నట్లు తెలుస్తోంది.

ప్రస్తుతం ఓ సినిమాను బోగవిల్లి ప్రసాద్ నిర్మాణంలో చేయాల్సి వుంది. చాలావరకు ఆ సినిమా విషయంలో సానుకూలంగానే వున్నట్లు బోగట్టా. అయితే ఆ తరువాత చేయాల్సిన సంపత్ నంది సినిమా విషయంలో మాత్రం పక్కాగా పునరాలోచన చేస్తున్నట్లు బోగట్టా.

ఎందుకంటే తన మార్కెట్ ఎంత వుందో? ఏ మేరకు జారిపోయిందో అర్థం అవుతోంది. ఇలాంటి టైమ్ లో అలాంటి భారీ బడ్జెట్ సినిమా తలకెత్తుకోవడం అవసరమా? లేదా కాస్త రీజనబుల్ బడ్జెట్ లో అది తయారయ్యేలా మార్చడమా? లేదా అది క్యాన్సిల్ చేసి మరో కథ ఏదయినా చూడమని అడగడమో చేయాలని గోపీచంద్ తన సన్నిహితుల దగ్గర చెప్పినట్లు బోగట్టా.

తన విజయవంతమైన సినిమాల జాబితా చూస్తే, లౌక్యం, లక్ష్యం లాంటి ఎంటర్ టైన్ మెంట్ వున్న సినిమాలే ఎక్కువగా కనిపిస్తున్నాయి. యాక్షన్ సినిమాలు, గౌతమ్ నందా లాంటి భారీ సినిమాలు అచ్చి వచ్చిన దాఖలాలేదు. అందుకే అన్ని విధాలా ఆలోచించి నిర్ణయం తీసుకుని ముందుకు సాగాలని గోపీచంద్ నిర్ణయించుకున్నట్లు బోగట్టా.

అవసరం అయితే వేరే దర్శకులు ఎవరైనా మంచి ప్రాజెక్టులు తెస్తే, ఇప్పటికే ఓకె చేసిన నిర్మాతలకు ఇచ్చే ఆలోచన కూడా వుందని తెలుస్తోంది.

తెరమీద నీతులు.. తెర వెనుక బ్లాక్ మెయిలింగ్