Epaper
పూరి జగన్నాధ్ తో సినిమా ఎనౌన్స్ చేశాడు రామ్. ఆ మూవీకి సంబంధించి ఫస్ట్ లుక్ తో పాటు టైటిల్ కూడా ప్రకటిస్తామంటూ దాదాపు 2 రోజులుగా ఊరిస్తున్నాడు. లెక్కప్రకారం నిన్న సాయంత్రమే టైటిల్, ఫస్ట్ లుక్ రిలీజ్ అవ్వాలి. కానీ ఆ కార్యక్రమాన్ని ఈరోజుకు వాయిదా వేశారు. ఇదిలా ఉండగా ఈ సినిమా టైటిల్ పై చిన్నపాటి ప్రచారం ఊపందుకుంది. దీనికి కారణం కూడా హీరో రామ్.
తన సినిమా గురించి ప్రస్తావిస్తున్న ప్రతిసారి #IS అనే హ్యాష్ ట్యాగ్ ను ఉపయోగిస్తున్నాడు రామ్. ఈ హ్యాష్ ట్యాగ్ కు సినిమా టైటిల్ కు సంబంధం ఉందనేది వాస్తవం. లేటెస్ట్ అప్ డేట్ ప్రకారం.. ఐఎస్ అంటే “ఇస్మాట్ శంకర్” అనే టాక్ వినిపిస్తోంది. దాదాపు ఇదే టైటిల్ తో ఈరోజు ఫస్ట్ లుక్ వచ్చే ఛాన్స్ ఉంది. దీనికంటే ముందు పండుగాడు అనే టైటిల్ పై కూడా ప్రచారం జరిగింది.
ఈరోజు సాయంత్రం 4 గంటలకు ఈ సినిమా టైటిల్, ఫస్ట్ లుక్ పోస్టర్, మోషన్ పోస్టర్లను ఒకేసారి విడుదల చేయబోతున్నారు. వీటితో పాటు మూవీ రిలీజ్ డేట్ ను కూడా ప్రకటించనున్నారు. ప్రస్తుతం చక్కర్లు కొడుతున్న ఈ టైటిల్స్ పై సాయంత్రం 4 గంటలకు ఓ క్లారిటీ రాబోతోంది.
అన్నట్టు ఈ సినిమాలో హీరోయిన్ ను ఇప్పటికే లాక్ చేసినట్టు తెలుస్తోంది. పూరి కనెక్ట్స్ సంస్థ ద్వారా ఓ తెలుగమ్మాయితో ఇప్పటికే అగ్రిమెంట్ కుదుర్చుకున్నారు. సినిమా సెట్స్ పైకి వచ్చిన తర్వాత ఆ అమ్మాయి వివరాల్ని వెల్లడిస్తారు. పూరి-రామ్ ఫస్ట్ కాంబినేషన్ లో వస్తున్న ఈ సినిమాలో రామ్, పక్కా తెలంగాణ యాసలో డైలాగ్స్ చెప్పబోతున్నాడు.