ఆగిపోయిన ఆర్-ఆర్-ఆర్ షూటింగ్

రామ్ చరణ్, ఎన్టీఆర్ హీరోలుగా నటిస్తున్న ఆర్-ఆర్-ఆర్ సినిమా షూటింగ్ ఆగిపోయింది. ఉత్తరాదిన ఈ సినిమా కోసం భారీ షెడ్యూల్ ప్లాన్ చేశారు. అది ప్రారంభమై 3 రోజులవుతుంది. చరణ్-తారక్ మధ్య కొన్ని సన్నివేశాలు కూడా తీశారు. అంతలోనే షూటింగ్ ను రద్దు చేస్తున్నట్టు యూనిట్ ప్రకటించింది. దీనికి కారణం రామ్ చరణ్ గాయపడ్డమే.

అవును.. రామ్ చరణ్ గాయపడ్డాడు. షూటింగ్ స్పాట్ లో కాదు. జిమ్ లో వర్కవుట్స్ చేస్తూ ప్రమాదానికి గురయ్యాడు చెర్రీ. దీంతో ఆర్-ఆర్-ఆర్ పూణె షెడ్యూల్ ను కాన్సిల్ చేస్తున్నట్టు యూనిట్ ప్రకటించింది. అయితే రామ్ చరణ్ హెల్త్ కండిషన్ ఇప్పుడెలా ఉందనే విషయాన్ని యూనిట్ వెల్లడించలేదు.

ప్రస్తుతానికైతే యూనిట్ అంతా హైదరాబాద్ తిరుగుప్రయాణమైంది. మరో 3 వారాల తర్వాతే షెడ్యూల్ ఉంటుందని ప్రకటించారు. వాస్తవానికి ఇదే షెడ్యూల్ లో బాలీవుడ్ హీరోయిన్ అలియా భట్ జాయిన్ అవ్వాల్సి ఉంది. ఆమె కాల్షీట్లన్నీ రద్దయ్యాయి.

తెలుగుతెరపైనే భారీ మల్టీస్టారర్ చిత్రంగా దాదాపు 350 కోట్ల రూపాయల బడ్జెట్ తో రాజమౌళి ఈ సినిమాను తెరకెక్కిస్తున్నాడు. మూవీలో అల్లూరి సీతారామరాజు పాత్రలో చరణ్, కొమరం భీమ్ పాత్రలో ఎన్టీఆర్ కనిపిస్తారు. వచ్చే ఏడాది జులై 30న థియేటర్లలోకి రానుంది ఆర్-ఆర్-ఆర్.

తాడిపత్రి, హిందూపురం, మడకశిర, ఉరవకొండలు తెలుగుదేశం వైపే