శతమానంలో టాప్ హీరోలందరూ..

దిల్ రాజు తక్కువోడు కాదు. మొత్తం టాలీవుడ్ హీరోలందరినీ ఒకే సినిమాలోకి లాగేసారు. శతమానం భవతి సినిమాలో టాలీవుడ్ టాప్ హీరోలందరూ పార్ట్ అయిపోయారు. మహేష్ దగ్గర నుంచి దాదాపు టాప్ హీరోలంతా శతమానం భవతి సినిమాలో కనిపించబోతున్నారు. ఇందుకోసం దిల్ రాజు ఓ చమక్కు చేసినట్లు తెలుస్తోంది.

వివిధ సినిమాల్లో ఆయా హీరోల డైలాగ్ బిట్లు కట్ చేసి, వాటన్నింటిని ఓ సీన్ గా, వారి మధ్య సంభాషణగా తయారుచేసి, దాన్ని శతమానం భవితి లో వాడేసారట. సినిమాకు ఇది భయంకరంగా ప్లస్ అవుతుందని దిల్ రాజు సన్నిహితులతో షేర్ చేసుకుంటున్నారట.

మొత్తానికి తెలివైన అయిడియానే. ఇన్నాళ్లు చాలా సినిమాల్లొ ఏదో ఒక నటుడిని ఇలా చూపించడం అలవాటే. కానీ మొత్తం టాప్ హీరోలందరినీ ఒకే సినిమాలోకి లాగేయడం ఇదే తొలిసారి అనుకోవాలి. శతమానం భవతి ఈ సంక్రాంతికి ప్రేక్షకుల మందుకు రాబోతోంది.