Epaper
కొరటాల శివ- మహేష్ బాబు కాంబినేషన్ లో క్రేజీ ప్రాజెక్టు గా తయారవుతోంది శ్రీమంతుడు. ఈ సినిమా నైజాం హక్కులు రికార్డు రేటుకు అమ్ముడుపోయాయి. అయితే మిగిలిన ఏరియాల పరిస్థితి ఏమిటి? నైజాం రికార్డు రేటుకు (14 కోట్ల నలభై లక్షలు) అమ్ముడు పోయిందని హడావుడిగా ప్రకటించిన యూనిట్ మిగిలిన ఏరియాల సేల్ గురించి మళ్లీ ప్రస్తావించలేదు.
అయితే మిగిలిన ఏరియాలు కూడా ఫ్యాన్సీ రేట్లుకు అమ్ముడుపోయాయన్నది యూనిట్ వర్గాల బోగట్టా. కానీ నైజాం సేల్ రేషియోతో లెక్కపెట్టి రేట్లు చెప్పడంతో ఇంకా మిగిలిన ఏరియాల అమ్మాకాలు డిస్కషన్ లోనే వున్నాయన్నది ఇన్ సైడ్ టాక్. మహేష్ సినిమాలకు బయ్యర్ల లేకపోవడం అన్నది ఎప్పుడూ వుండదు. ఎటొచ్చీ రేట్ల దగ్గర డీల్ కుదరాలి.
సినిమా అంతా అయింది. ఆడియో ఫంక్షన్ తో మరింత హైప్ వస్తుంది. అప్పుడు తాము అనుకున్న రేటు అదే వస్తుందన్న ధీమాతో శ్రీమంతుడు యూనిట్ వుందని తెలుస్తోంది. అందువల్ల సీడెడ్ ఆంధ్ర, ఏరియాలు ఇంకా ఓపెన్ గానే వున్నాయనుకోవాలి.