Epaper
సునీల్…అతనికి, అతని స్టయిల్ ఆఫ్ కామెడీకి ఎందరో అభిమానులు. కానీ సినిమాలేవీ. ఇలా అనుకుంటున్నవారికి ఆశ కల్పిస్తూ కృష్ణాష్టమి ఫస్ట్ లుక్ వచ్చేసింది. టైటిల్ హోమ్లీగా వుంది. లుక్ కలర్ ఫుల్ గా వుంది..సినిమా హోప్ ఫుల్ గా వుండేలావుంది. మొత్తానికి దిల్ రాజు స్టయిల్ సినిమా అనుకునేలా వుంది. వాసు వర్మ దర్శకత్వం లో, దిల్ రాజు నిర్మాణ సారధ్యం లో రూపుదిద్దుకున్న ఈ చిత్రం ఫస్ట్ లుక్ ఈ రోజు ఇండిపెండెన్స్ డే సందర్భం గా చిత్ర బృందం విడుదల చేసింది.
నిక్కి గల్రాని హీరోయిన్ గా నటించిన ఈ చిత్రానికి దినేష్ సంగీతాన్ని అందించగా, ప్రముఖ రచయిత కోన వెంకట్ కథ ను సమకూర్చారు. ఈ సందర్భంగా దర్శకులు వాసు వర్మ మాట్లాడుతూ, ” ఇది ఒక చక్కటి ఫామిలీ ఎంటర్టైనర్. ఉన్నతమైన సాంకేతిక విలువలతో, కుటుంబం మొత్తం చూడదగ్గ చిత్రం, సునీల్ నుండి ప్రేక్షకులు కోరుకునే అంశాలతో పాటు, అటు క్లాస్ ని ఇటు మాస్ ని ఆకట్టుకునే కుటుంబ విలువలు ఈ చిత్రం లో ఉంటాయి.
అమెరికా నుండి వచ్చిన ఒక కుర్రాడు ఇండియా లో ఎటువంటి పరిస్థితులను ఎదుర్కుంటాడు అనేది కీలకమైన పాయింట్ అన్నారు. అక్కడే చిన్న అనుమానం..ఇప్పటికే ఇలా విదేశాల నుంచి ఇండియాకు వచ్చిన కుర్రాడి నేపథ్యంలో కుటుంబ విలవల సినిమాలు చాలా వచ్చాయి..ఆడినవి ఆడాయి..లేనివి లేదు. మరి ఈ సినిమాఎలా వుంటుందో?