సుశాంత్ కు లాస్ట్ చాన్స్!

హీరో సుశాంత్.. అక్కినేని మూలాలు వున్న హీరో. కానీ పాపం, ఒక్కటి కూడా సరైన హిట్ చవిచూసినది లేదు. వరుసపెట్టి స్వంత బ్యానర్ పై సినిమాలు చేసి.. చేసి ఆగిపోయాడు. చాలా గ్యాప్ తరువాత ఇప్పుడు మళ్లీ చి.ల.సౌ అంటూ ఓ సినిమా వచ్చింది. 

ఇప్పుడు ఇది మంచి చాన్స్ అండ్ అదే సమయంలో లాస్ట్ చాన్స్. ఎందుకంటే ఈమాత్రం బజ్, ఈ మాత్రం ఆసక్తి రేపిన సినిమా ఇప్పటి దాకా సుశాంత్ కు రాలేదు. మళ్లీ వస్తుందనీ అనుకోవడానికి లేదు. గతంలో సుశాంత్ కోసం జస్ట్ కామియో అపీల్ కూడా ఇచ్చారు నాగచైతన్య. ఈసారి సుశాంత్ కోసం, అలాగే సమంత స్నేహితుడు, స్నేహితురాలి కోసం నాగచైతన్య స్వయంగా రంగంలోకి దిగి సినిమా మార్కెటింగ్ అంతా చూస్తున్నారు.

సమంత, చైతూ, వాళ్ల మొహమాటంతో మిగిలిన సినిమా జనాలు ఈ సినిమాను జనం ముందుకు తీసుకెళ్లడానికి తమవంతు సాయం చేస్తున్నారు. ఇన్నివిధాల చేస్తే, ఈ సినిమాకు ఇప్పుడు కాస్త బజ్ వచ్చింది. ఇది క్లిక్ అయితే సుశాంత్ కు మరో సినిమా వస్తుంది. కెరీర్ కు ఊపిరి అందుతుంది. తేడావస్తే మాత్రం కష్టమే. ఎందుకంటే మళ్లీ మరోసారి ఇంతమంది పల్లకీ మోసే సినిమా చేతిలోకి రాకపోవచ్చు