పరిశ్రమకు ఆమెపై మోజు తీరిపోయిందా..?

షాపు ఓపెనింగ్స్ లోనే ఎక్కువగా కనిపిస్తోంది
మరోవైపు సీనియర్ హీరోలకు కూడా సై అంటోంది

ఈ రెండు యాంగిల్స్ చాలు తమన్నకు అవకాశాలు తగ్గిపోయాయని చెప్పడానికి. అవును.. ఇప్పుడీ బ్యూటీని టాలీవుడ్ మెల్లగా సైడ్ చేస్తున్నట్టు కనిపిస్తోంది. హీరోలంతా కొత్తమ్మాయిల కోసం ఎదురు చూస్తూ తమన్నాను దాదాపుగా పక్కనపెట్టేశారు. అందుకే ఇప్పుడు సిల్వర్ స్క్రీన్ పై కంటే ఎక్కువగా షాప్ ఓపెనింగ్స్ లోనే తమన్నా కనిపిస్తోంది.

ఇప్పటికే తెలుగులో స్టార్ హీరోలందరి పక్కన ఒకటికి రెండుసార్లు నటించేయడంతో తమన్నాకు దాదాపుగా ఆఫర్లు నిల్ అయ్యాయి. కల్యాణ్ రామ్ కొత్త సినిమా నా నువ్వే మినహా తమన్నా చేతిలో సినిమాల్లేవు. అది కూడా షూటింగ్ కంప్లీట్ అయిపోయింది. అటు మెగాస్టార్ ప్రతిష్టాత్మక చిత్రం సైరా నరసింహారెడ్డిలో తమన్నా నటిస్తున్నప్పటికీ.. ఆ క్రెడిట్ అంతా మెయిన్ హీరోయిన్ నయనతారకే వెళ్తుందనేది వాస్తవం.

ఇక బాలీవుడ్ సూపర్ హిట్ క్వీన్ తెలుగు రీమేక్ లో తమన్న నటిస్తున్నప్పటికీ.. ఈ సినిమా కూడా తమన్నాను ఒడ్డునపడేసే అవకాశాలు లేవు. మొత్తంగా యంగ్ జనరేషన్ తో తమన్నా పోటీని తట్టుకునే అవకాశాలు కనిపించడం లేదు. అందుకేనేమో ఇప్పుడు సీనియర్ మోస్ట్ నటుడు వెంకీ సరసన నటించడానికి కూడా ఒప్పుకుంది. ఎఫ్-2లో వెంకీ సరసన మిల్కీబ్యూటీ హీరోయిన్ గా నటించబోతోంది. భవిష్యత్తులో బాలయ్యతో కలిసి సినిమా చేసినా ఆశ్చర్యపోనక్కర్లేదు.