తొలి హీరోతో కాజల్?

థర్టీస్ లోకి వచ్చాక హీరోయిన్ కాజల్ అగర్వాల్ కు డిమాండ్ పెరిగింది. ఎన్టీఆర్ తో టెంపర్, మహేష్ తో బ్రహ్మోత్సవం, పవన్ తో సర్దార్, చిరుతో ఖైదీ సినిమాలు వరుసగా చేసేసింది. ప్రస్తుతం రానాతో సినిమా చేస్తోంది. ఇది పూర్తి కాకుండానే ఇంకా ఆఫర్లు వస్తున్నాయి. మంచి పెర్ ఫార్మర్ కావడం, అలాగే గ్లామర్ లో యంగ్ హీరోయిన్లకు తీసిపోకపోవడంతో కాజల్ కు అవకాశాలు తగ్గడం లేదు.

అయితే ఇండస్ట్రీ లేటెస్ట్ గ్యాసిప్ ఏమిటంటే, కాజల్ మరోసారి తన తొలి హీరోతో జతకట్టే అవకాశం వుందని. కాజల్ తొలి సినిమా లక్ష్మి కళ్యాణం. ఆ సినిమా హీరో కళ్యాణ్ రామ్. ఆ సినిమా దర్శకుడు తేజ. ప్రస్తుతం మళ్లీ మరోసారి కాజల్ డైరక్టర్ తేజ సినిమాలో చేస్తోంది. ఆ సినిమాను నిర్మిస్తున్న బ్యానర్ నే కళ్యాణ్ రామ్ తో సినిమా నిర్మించబోతోంది. 

సో, ఆ విధంగా మళ్లీ మరోసారి పాత కాంబినేషన్ గుర్తుకు వచ్చింది. అందుకే తమ బ్యానర్ లో కాజల్ తో రెండు సినిమాలు వరుసగా చేసినట్లు వుంటుంది. అలాగే డైరక్టర్ తేజతో రెండో సినిమా చేసినట్లే, కళ్యాణ్ రామ్ తో కూడా మళ్లీ సినిమా చేసినట్లు వుంటుంది అని ఆలోచిస్తున్నారట. 

మరి ఈ కాంబినేషన్ వర్కవుట్ అయితే సినిమాకు ప్రీ బజ్ బాగానే వస్తుంది మరి.