Epaper
వేణు ఉడుగుల డైరక్షన్ లో రానా-సాయిపల్లవి చేయబోతున్న సినిమా ఒకటి వుంది. విరాటపర్వం-1992 అన్నది వర్కింగ్ టైటిల్. ఇప్పుడు ఈ సినిమాలో నైజాం ఏస్ డిస్ట్రిబ్యూటర్ ఏసియన్ సునీల్ కూడా నిర్మాణ భాగస్వామ్యం తీసుకుంటున్నట్లు తెలుస్తోంది.
పడి పడి లేచెమనసు లాంటి మంచి సినిమాను అటెంప్ట్ చేసి, సెకండాఫ్ తేడా కొట్టడంతో ఫలితం రాబట్టుకోలేకపోయిన నిర్మాణ సంస్థ శ్రీలక్ష్మీ వెంకటేశ్వర సినిమాస్ ఈ చిత్రాన్ని నిర్మిస్తోంది. అయితే ఇప్పుడు తమతో పాటు సునీల్ కు నిర్మాణ భాగస్వామిగా తీసుకోబోతోందని తెలుస్తోంది.
పడి పడి లేచెమనసు సినిమాను సునీల్ నే నైజాం ఏరియాకు కొన్నారు. సాధారణంగా ఆయన సినిమాలు కొనరు. పంపిణీ మాత్రం చేస్తారు. కథానాయకుడు సినిమాను సైతం కేవలం పంపిణీ చేసారు. అలాంటిది పడి పడి లేచెమనసు సినిమా మీద నమ్మకంతో కొన్నారు. కానీ నష్టం తప్పలేదు.
ఇప్పుడు ఆ లెక్కలు, లావాదేవీల్లో భాగంగా సునీల్ నేరుగా 'రానా-సాయిపల్లవి' ప్రాజెక్టులో వాటాదారుగా మారుతున్నట్లు తెలుస్తోంది. లవ్ ప్లస్ పొలిటికల్ డ్రామాగా ఈ సినిమా వుంటుంది. వేణు ఉడుగులు గతంలో 'నీదీ నాదీ ఒకే కథ' లాంటి డిఫరెంట్ సినిమా అందించారు.