నాయుడు తప్పుకున్నాడు.. తెరపైకి సీక్వెల్

మొన్నటివరకు శభాష్ నాయుడు సినిమా గురించి మాట్లాడుకున్నారు. కానీ సెడన్ గా విశ్వరూపం-2 మళ్లీ తెరపైకి వచ్చింది. అవును.. శభాష్ నాయుడు సినిమాను కొన్నాళ్లు పక్కనపెట్టి విశ్వరూపం-2ను కంప్లీట్ చేయాలని కమల్ భావిస్తున్నాడు.

ఈ సినిమాను వీలైనంత తొందరగా విడుదల చేసి, ఆ వచ్చిన డబ్బుతో శభాష్ నాయుడు పూర్తిచేయాలనేది కమల్ ప్లాన్.

విశ్వరూపం-2 సినిమాకు సంబంధించి ఇంకా ఫైనల్ షెడ్యూల్ పెండింగ్ లోనే ఉంది. ఓ 10 రోజుల పాటు షూటింగ్ చేస్తే అది కంప్లీట్ అయిపోతుంది. ఈ ఫైనల్ షెడ్యూల్ ను విదేశాల్లో ప్లాన్ చేశారు. యూరోప్, రష్యా దేశాల్లో త్వరలోనే పర్యటించబోతోంది యూనిట్.

లొకేషన్ సెట్ అయిన వెంటనే షూటింగ్ ప్రారంభిస్తారు. తాజా సమాచారం ప్రకారం ఉక్రెయిన్ లో విశ్వరూపం-2 ఫైనల్ షెడ్యూల్ ఉండే అవకాశం ఉంది.

విశ్వరూపం-2 సినిమాకు సంబంధించి ఇప్పటికే ఫస్ట్ లుక్ రిలీజ్ చేశాడు కమల్. రంజాన్ కానుకగా ఈనెల 25న టీజర్ ను కూడా విడుదల చేయబోతున్నాడు. త్వరలోనే ఫైనల్ షెడ్యూల్, పోస్ట్ ప్రొడక్షన్ కంప్లీట్ చేసి, ఈ ఏడాదిలోనే విశ్వరూపం-2ను థియేటర్లలోకి తీసుకొస్తానంటున్నాడు.