అమీ తుమీ చూసి అవకాశం ఇస్తాడా?

నాగచైతన్య-ఇంద్రగంటి మోహనకృష్ణ.. చాలా రోజులుగా నలుగుతున్న కాంబినేషన్ ఇది. నాగచైతన్యకు ఇంద్రగంటి ఓ స్టోరీలైన్ కూడా వినిపించాడు. కానీ చైతూ మాత్రం ఎందుకో ఇంట్రెస్ట్ చూపించడం లేదు.

ఇదంతా అమీతుమీ విడుదలకు ముందు మేటర్. ఆ సినిమా విడుదలై మంచి టాక్ తెచ్చుకుంది. మరి ఈ నేపథ్యంలో ఇంద్రగంటికి నాగచైతన్య ఛాన్స్ ఇస్తాడా అనేది ఇంట్రెస్టింగ్ టాపిక్ గా మారింది.

జెంటిల్ మేన్, అమీ తుమీ సినిమాలతో తానెంటో ప్రూవ్ చేసుకున్న ఇంద్రగంటి, నాగచైతన్య సినిమాపై మాత్రం రెస్పాండ్ అవ్వడం లేదు. తనతో సినిమా చేయాలా వద్దా అనే నిర్ణయం పూర్తిగా నాగచైతన్యదే అంటున్నాడు. మరోవైపు నాగచైతన్యకు చెప్పిన రొమాంటిక్ కామెడీ కథనే మరో హీరోతో ప్లాన్ చేస్తున్నాడనే టాక్ కూడా వినిపిస్తోంది. 

అటు నాగచైతన్య కూడా ఇంద్రగంటి ప్రాజెక్టుపై స్పందించడం లేదు. ఇప్పటికే చందు మొండేటికి గ్రీన్ సిగ్నల్ ఇచ్చిన చైతూ.. కృష్ణవంశీ దగ్గర అసోసియేట్ గా పనిచేసిన సౌజన్య అనే మహిళా దర్శకురాలు చెప్పిన లైన్ కు ఓకే చెప్పినట్టు తెలుస్తోంది.

తాజా పరిణామాలు చూస్తుంటే ఇంద్రగంటి-నాగచైతన్య కాంబోలో ఇప్పట్లో సినిమా వచ్చేలా కనిపించడం లేదు. త్వరలోనే తన కొత్త సినిమాను ప్రకటించబోతున్నాడు ఇంద్రగంటి.