ఏజెంట్…ఇంకో అయిదు రోజులు మాత్రమే

దర్శకుడు సురేందర్ రెడ్టి చిరకాలంగా చెక్కుతున్న శిల్పం ‘ఏజెంట్’. ఎప్పుడో మొదలుపెట్టారు. చెక్కుతూనే వున్నారు. నిర్మాత అనిల్ సుంకర అలా భరిస్తూ వస్తున్నారు. 

నలభై కోట్ల ప్రాజెక్టు అన్నది ఎనభై కోట్ల మేరకు చేరింది. మొత్తం మీద సినిమా ఓ కొసకు చేరుకుంది. గత ఏడాది నుంచి ఈ సంక్రాంతి వరకు ఇదిగో వస్తుంది..అదిగో వస్తుంది అనుకున్నారు. ఆఖరికి ఏప్రిల్ లో విడుదలకు సన్నాహాలు చేస్తున్నారు. రేపో, ఆ మర్నాడో రిలీజ్ డేట్ అనౌన్స్ మెంట్ వస్తుంది.

ఇదిలా వుంటే ఏజెంట్ టాకీ పార్ట్ మొత్తం పూర్తయింది. కేవలం అయిదు రోజుల ఛేజ్ మాత్రం ఇంకా బకాయి వుంది. విదేశాల్లో ఈ ఛేజ్ ను తీయాల్సి వుంది. పోస్ట్ ప్రొడక్షన్ తో కలిపి ఏప్రిల్ నాటికి సినిమా పక్కాగా రెడీ అవుతుంది.

ప్రీ సమ్మర్ లో వస్తోంది. పైగా అఖిల్ చేస్తున్న ఈ సినిమాకు కాస్త బజ్ వుంది. అందువల్ల మంచి ఓపెనింగ్ పక్కాగా వుంటుంది.ఇదిలా వుంటే మార్కెట్ కు మించి ఖర్చు చేసిన సినిమా తీయడంతో నిర్మాత మీద అభిమానంతో హీరో అఖిల్ అదే బ్యానర్ లో మరో సినిమా చేస్తారని తెలుస్తోంది.