క్రిస్మస్ బరిలో మరో మూవీ

క్రిస్మస్ కు ఇప్పటికే నితిన్ రాబిన్ హుడ్ రెడీగా ఉంది. నిజానికి ఈ సినిమాను డిసెంబర్ 20న రిలీజ్ చేద్దామనుకున్నారు. తాజాగా డిసెంబర్ 25 డేట్ లాక్ చేశారు. దీంతో 20వ తేదీకి సినిమాలు క్యూ కట్టాయి.

ఇందులో భాగంగా క్రిస్మస్ రేసులోకి అల్లరి నరేష్ సినిమా కూడా వచ్చి చేరింది. బచ్చల మల్లి సినిమాను డిసెంబర్ 20న రిలీజ్ చేయబోతున్నారు. అల్లరి నరేష్ సీరియస్ పాత్రలో నటిస్తున్న సినిమా ఇది.

సినిమా ఈ నెలఖరుకు రెడీ అవుతుంది. 20వ తేదీకి రావడానికి ఎలాంటి ఇబ్బంది లేదు, పాన్ ఇండియా సినిమా కాదు కాబట్టి ప్రచారానికి కూడా కావాల్సినంత టైమ్ ఉంది. హాస్య మూవీస్ బ్యానర్ పై రాజేష్ దండా నిర్మిస్తున్న ఈ సినిమాకు సుబ్బు దర్శకుడు.

ఈ ఏడాది సంక్రాంతికి నాగార్జునతో కలిసి ‘నా సామిరంగా’ అంటూ ప్రేక్షకులముందుకొచ్చాడు అల్లరి నరేష్. సినిమాలో అతడి పాత్రకు మంచి రెస్పాన్స్ వచ్చింది. అయితే ఆ తర్వాత అతడు సోలోగా చేసిన ‘ఆ ఒక్కటి అడక్కు’ మాత్రం ఫ్లాప్ అయింది.

ఇప్పుడీ ఏడాదికి ముచ్చటగా మూడో సినిమాను రెడీ చేస్తున్నాడు అల్లరోడు. సినిమాలో అల్లరి నరేష్ సరసన అమృత అయ్యర్ హీరోయిన్ గా నటిస్తోంది.