Epaper
షూటింగ్ గ్యాప్స్ లో లేదా, ఇంట్లో ఉన్నప్పుడు, ఫ్రీ టైమ్ దొరికితే చాలు హీరోయిన్లు మొబైల్స్ కు అతుక్కుపోతారు. అందులో ఉండే యాప్స్ లో రకరకాల ఫిల్టర్లు ట్రై చేస్తుంటారు.
హీరోయిన్లంతా ఇలా తమకిష్టమైన ఫిల్టర్లను వాడి అభిమానులకు వాటిని పరిచయం చేస్తుంటారు. అయితే రీసెంట్ గా అనుపమ పరమేశ్వరన్ వాడిన ఓ ఫిల్టర్ మాత్రం ట్రోలింగ్ కు గురైంది.
పై ఫొటోలో కనిపిస్తున్న వ్యక్తి హీరోయిన్ అనుపమ పరమేశ్వరన్. అందర్లానే ఆమె కూడా కాస్త వెరైటీగా ఉంటుందని ఈ ఫిల్టర్ వాడింది. దీని ప్రత్యేక ఏంటంటే.. ఆడవాళ్లను మగాళ్లుగా చూపిస్తుంది. వాళ్లకు మీసాలు, గడ్డాలు పెడుతుంది. అంతేకాదు, ఏదైనా మాట్లాడితే గొంతు కూడా మార్చేస్తుంది.
ఇప్పటివరకు హీరోయిన్లెవ్వరూ పెద్దగా టచ్ చేయని ఈ ఫిల్టర్ ను అనుపమ ట్రై చేసింది. ఇందులో ఆమె పూర్తిగా గుర్తుపట్టలేని విధంగా మారిపోయింది. నా మీసాలు, గడ్డాలు చూడండంటూ ఆమె పెట్టిన ఆడియో కూడా ఎబ్బెట్టుగా ఉంది. దీంతో చాలామంది అనుపమపై కామెంట్స్ చేశారు. ఇలాంటివి ట్రై చేసినా, పోస్ట్ చేయొద్దంటూ క్లాస్ పీకారు.
ప్రస్తుతం ఈ ముద్దుగుమ్మ నిఖిల్ సరసన 18-పేజెస్ అనే సినిమా చేస్తోంది. ఈ మూవీతో పాటు దిల్ రాజు బ్యానర్ లో రెండు సినిమాలున్నాయి. వీటిలో ఒక సినిమా ఆల్రెడీ సెట్స్ లో ఉండగా, మరో సినిమా ఇంకా స్టార్ట్ కాలేదు.