జేమ్స్ కామెరూన్ అద్భుత సృష్టి అవతార్-ది వే ఆఫ్ వాటర్. ప్రపంచవ్యాప్తంగా సూపర్ హిట్టయింది ఈ సినిమా. మరి గ్లోబల్ బ్లాక్ బస్టర్స్ లో వసూళ్ల పరంగా ప్రస్తుతం ఈ సినిమా స్థానం ఏంటి?
ప్రపంచ సినీచరిత్రలో వసూళ్ల పరంగా అవతార్-2 సినిమా ప్రస్తుతం నాలుగో స్థానంలో కొనసాగుతోంది. టాప్-1 గ్రాసర్ గా అవతార్ (2.92 బిలియన్ డాలర్లు) నిలిచిన సంగతి తెలిసిందే. ఇక రెండో స్థానంలో ఎవెంజర్స్- ఎండ్ గేమ్ (2.79 బిలియన్ డాలర్లు), మూడో స్థానంలో టైటానిక్ (2.2 బిలియన్ డాలర్లు) సినిమాలు నిలిచాయి.
ప్రస్తుతం ఈ లిస్ట్ లో 2.074 బిలియన్ డాలర్లతో అవతార్-2 సినిమా నాలుగో స్థానంలో కొనసాగుతోంది. ట్రేడ్ అంచనా ప్రకారం, ఈ వీకెండ్ గడిచేసరికి అవతార్-2 సినిమా టైటానిక్ ను క్రాస్ చేసే అవకాశం ఉంది. ఈ పోటీ సంగతి పక్కనపెడితే, ఈ లిస్ట్ లో గమనించాల్సిన మరో అంశం ఏంటంటే.. ఈ 4 సినిమాల్లో 3 సినిమాలు జేమ్స్ కామెరూన్ డైరక్ట్ చేసినవే కావడం విశేషం.
భారత్ లో ఈ సినిమా ఇప్పటికే ఎవెంజర్స్-ఎండ్ గేమ్ ను అధిగమించింది. ఇండియాలో అతిపెద్ద విజయం సాధించిన హాలీవుడ్ మూవీగా అవతరించింది. అటు సింగపూర్, కొరియా, ఆస్ట్రేలియా, జపాన్ లో కూడా ఈ సినిమా నంబర్ వన్ గా నిలిచింది.
ఈ సినిమా బ్రేక్-ఈవెన్ సాధించి, లాభాల్లోకి ఎంటరవ్వాలంటే ఆల్ టైమ్ హిట్స్ లో మూడు లేదా నాలుగో స్థానానికి ఎగబాకాల్సి ఉంటుందని స్వయంగా దర్శకుడు కామరూన్ గతంలో ప్రకటించిన సంగతి తెలిసిందే. సో.. తాజా వసూళ్లతో అవతార్-2 సినిమా బ్రేక్ ఈవెన్ సాధించినట్టయింది.
అందరూ ఒక వైపు.. ఆ ఒక్కడూ మరో వైపు
బిగ్ వికెట్: టీడీపీ నుంచి వైసీపీలోకి! 
బావను ఓడించేందుకు వైసీపీలోకి మరదలు! 
పెద్దాయన క్లారిటీ ఇచ్చేశాడు... ఇక ఎవరూ డిమాండ్ చేయరు 
రుణమాఫీ చెప్పన్నా.. 175 సీట్లు మనవే! 
బైరెడ్డికి అఖిలప్రియ షాక్... ఇండిపెండెంట్గా భర్త!