ఒరేయ్ బుజ్జిగా..పాటొచ్చింది

రాజ్ తరుణ్-కొండా విజయ్ కుమార్ కాంబినేషన్ లో నిర్మాత రాధామోహన్ నిర్మిస్తున్న సినిమా ఒరేయ్ బుజ్జిగా. అవుట్ అంట్ రొమాంటిక్ ఫన్ ఎంటర్ టైనర్ గా రూపొందుతున్న చిత్రం ఇది. మార్చి 25న విడుదలయ్యే ఈ సినిమాకు ఓ ప్లాన్డ్ గా పబ్లిసిటీ చేస్తున్నారు. ఫస్ట్ లుక్, ఫస్ట్ గ్లిమ్స్ తరువాత ఓ సాంగ్ ను విడుదల చేసారు. 

కురిసెన.. కురిసెన.. తొలకరి వలపులె మనసున..మురిసెన.. మురిసెన.. కలలకి కనులకి కలిసెన..’అంటూ సాగే ఈ సాంగ్ ను మెగాహీరో  వరుణ్ తేజ్ ఆన్ లైన్ లోకి విడుదల చేసారు.  అనూప్‌ రూబెన్స్‌ అందించిన స్వరాలు మెలోడీ స్వరాలకు రచయిత కె.కె. సరైన సాహిత్యాన్ని అందించారు. అర్మాన్‌ మాలిక్‌, పి.మేఘన ఈ గీతాన్ని ఆలపించారు. ఈ పాటకు శేఖర్‌ మాస్టర్‌ కొరియోగ్రఫీ చేయడం విశేషం. ఈ పాటను అందమైన లొకేషన్లలో రాజ్‌తరుణ్‌, మాళవిక నాయర్‌పై చిత్రీకరించారు.

ఈ ఫస్ట్‌ సింగిల్‌ విడుదలైన సందర్భంగా నిర్మాత కె.కె.రాధామోహన్‌ మాట్లాడుతూ ‘‘వరుణ్‌తేజ్‌ మా సినిమా మొదటి పాటను విడుదల చేయడం చాలా హ్యాపీగా ఉంది. ఆయనకు నా కృతజ్ఞతలు తెలియజేస్తున్నాను. ఈ పాట విడుదలైన కొద్దిసేపట్లోనే చాలా మంచి రెస్పాన్స్‌ వస్తోంది.  పోస్ట్‌ ప్రొడక్షన్‌ వర్క్‌ జరుగుతోంది. ఉగాది కానుకగా మార్చి 25న సినిమాను ప్రపంచవ్యాప్తంగా విడుదల చేస్తున్నాం. మా బేనర్‌లో తప్పకుండా ‘ఒరేయ్‌ బుజ్జిగా..’ మరో సూపర్‌హిట్‌ మూవీ అవుతుంది.’’ అన్నారు.