పక్కా..పక్కా..పక్కా కమర్షియలే..

పైసామే పరమాత్మ అన్నారు. డబ్బు లేనివాడు డబ్బు కైనా కొరగాడు అన్నారు. హీరో గోపీచంద్ కూడా ఇలాంటి రాగమే అందుకున్నాడు పక్కా కమర్షియల్ సినిమాలో. 

మారుతి కథ, డైరక్షన్ లో జిఎ2 బన్నీవాస్, యువి వంశీ నిర్మించే ఈ సినిమా నుంచి టైటిల్ సాంగ్ ను విడుదల చేసారు.

దివంగత గీత రచయిత సిరివెన్నెల రచించిన ఈ పాటను జేమ్స్ బిజోయ్, హేమచంద్ర ఆలపించారు. పాటకు జేమ్స్ బిజోయ్ ట్యూన్ అందించారు. చిన్న బీట్ టచ్ ఇచ్చి, పక్కా కమర్షియలే అనే హుక్ లైన్ తో సాగిన పాట వినగా వినగా పట్టేలాగే వుంది.

ఈ మధ్యకాలంలో, ఇంకా క్లారిటీగా చెప్పాలంటే జిల్ సినిమా తరువాత హీరో గోపీచంద్ స్క్రీన్ ప్రెజెన్స్ ఇంత అందంగా వుండడం ఇదే. సినిమా కలర్ ఫుల్ గా వుంటుందిని పాట చిన్న హింట్ ఇచ్చింది. ఇప్పటికే పనులు అన్నీ పూర్తి చేసుకున్న ఈ సినిమా విడుదలకు రెడీగా వుంది.