రూ.45 కోట్ల ఇంటిని దక్కించుకున్న పూజా హెగ్డే

ఒక్కోసారి హీరోయిన్ల సంపాదన చూస్తే ఆశ్చర్యమేస్తుంది. వాళ్లకు ఇంత డబ్బు ఎలా వస్తుందా అనిపిస్తుంది. పూజా హెగ్డే కూడా అలాంటి షాక్ ఇచ్చింది. ఈ ముద్దుగుమ్మ ఏకంగా 45 కోట్ల రూపాయల ఖరీదైన నివాసాన్ని సొంతం చేసుకుంది.

ముంబయిలోని బాంద్రాలో ఖరీదైన ప్రాపర్టీ కొనుగోలు చేసింది పూజాహెగ్డే. దీని ఖరీదు అక్షరాలా 45 కోట్ల రూపాయలు. సముద్రం ఎదురుగా ఉండే ఈ ప్రాపర్టీలోకి త్వరలోనే షిఫ్ట్ అవ్వబోతోంది ఈ హీరోయిన్. 4వేల చదరపు అడుగుల విస్తీర్ణం కలిగిన ఈ ప్రాపర్టీని తన టేస్ట్ కు తగ్గట్టు డిజైన్ చేయించుకుంది పూజా.

నిజానికి పూజాహెగ్డేకు ముంబయి కొత్త కాదు. ఆమెకు ఆల్రెడీ ముంబయిలో ఓ ఫ్లాట్ ఉంది. అక్కడ్నుంచి ఇప్పుడు బాంద్రాలోని ఈ మాన్షన్ కు మారుతోంది. బాంద్రాలో ఓ ప్రాపర్టీ కలిగి ఉండడం తారలకు ఇప్పుడో స్టేటస్ సింబల్ గా మారిపోయింది.

త్వరలోనే ఆమె షాహిద్ కపూర్ తో కలిసి ఓ బాలీవుడ్ ప్రాజెక్టు స్టార్ట్ చేయబోతోంది. దీంతో పాటు సౌత్ లో ఆమె కొత్త సినిమాల ప్రకటనలు రాబోతున్నాయి.