Epaper
రాధేశ్యామ్ సినిమాలో ప్రభాస్ చేయి చూసి జాతకాలు చెప్పే వ్యక్తిగా కనిపించబోతున్నాడనే విషయాన్ని చాన్నాళ్ల కిందటే గ్రేట్ ఆంధ్ర బ్రేక్ చేసింది. అది ఆషామాషీ పాత్ర కాదనే విషయాన్ని కూడా అప్పట్లోనే చెప్పాం.
ఇప్పుడా పాత్రకు సంబంధించిన ఛాయలతో టీజర్ రిలీజైంది. “నేను దేవుడ్ని కాదు, అలా అని మీలో ఒకడ్ని కూడా కాదు” అంటూ ప్రభాస్ చెప్పిన ఒకే ఒక్క డైలాగ్ తో ఈ క్యారెక్టర్ లో డెప్త్ ఏంత అనేది అర్థం చేసుకోవచ్చు.
రాధేశ్యామ్ లో విక్రమాదిత్య పాత్రలో కనిపించబోతున్నాడు ప్రభాస్. ప్రతి వ్యక్తి జాతకాన్ని చేయిచూసి చెప్పగలడు విక్రమాదిత్య. ఎవరు ఎప్పుడు ఓడిపోతారు, ఎప్పుడు చనిపోతారు లాంటి విషయాల్ని కచ్చితంగా చెప్పగలడు. కానీ అవేవీ పైకి చెప్పడు. అలాంటి వ్యక్తి జాతకం ఎలా మలుపు తీసుకుందనే విషయాన్ని రాధేశ్యామ్ లో చూపించబోతున్నారు.
టీజర్ మొత్తం ఇంగ్లిష్ లో ఉంది. ఏ భాష ప్రేక్షకులు ఆ భాషలో సబ్ టైటిల్స్ లో టీజర్ చూసే వెసులుబాటు కల్పించారు. అలా 8 భాషల్లో సబ్ టైటిల్స్ పెట్టి మరి ఈ టీజర్ వదిలారు. ఇందులో భారతీయ భాషలతో పాటు చైనీస్, జపనీస్, స్పానిష్ భాషలు కూడా ఉన్నాయి.
ఇక టీజర్ విషయానికొస్తే.. విజువల్ ట్రీట్ కనిపిస్తోంది. గ్రాఫిక్స్, కెమెరా వర్క్ అన్నీ పెర్ ఫెక్ట్ గా ఉన్నాయి. బ్యాక్ గ్రౌండ్ స్కోర్ అదిరింది. ప్రభాస్ ఇంగ్లిష్ లో డైలాగులు చెప్పడం బాగుంది. ఆమధ్య రిలీజ్ చేసిన ఓ టీజర్ లో ప్రభాస్ ను లవర్ బాయ్ గా ప్రజెంట్ చేసిన మేకర్స్, తాజా టీజర్ లో అతడి పాత్ర అసలు స్వభావాన్ని రివీల్ చేశారు.
పూజాహెగ్డే హీరోయిన్ గా నటించిన ఈ సినిమాను రాథాకృష్ణ కుమార్ తెరకెక్కించాడు. సంక్రాంతి కానుకగా జనవరి 14న థియేటర్లలోకి వస్తున్నాడు జ్యోతిష్కుడు విక్రమాదిత్య.