Epaper
త‌ను క్యాన్స‌ర్ నుంచి కోలుకున్న విష‌యాన్ని ఇన్ స్టాగ్ర‌మ్ పోస్టు ద్వారా అనౌన్స్ చేశాడు బాలీవుడ్ స్టార్ హీరో సంజ‌య్ ద‌త్. కొన్ని నెల‌ల కింద‌ట సంజ‌య్ ద‌త్ కు లంగ్ క్యాన్స‌ర్ అనే వార్త‌లు వ‌చ్చాయి.
ఆయ‌న చికిత్స కోసం అమెరికా వెళ్తున్న‌ట్టుగా కూడా ప్ర‌చారం జ‌రిగింది. కోవిడ్-19 ప‌రిస్థితుల్లోనే ద‌త్ కు సంబంధించి ఈ వార్త‌లు వ‌చ్చాయి.
ద‌త్ అనారోగ్యం నేప‌థ్యంలో ఆయ‌న అభిమానులు ఆందోళ‌న చెందారు. వారికి ఇప్పుడు ద‌త్ శుభ‌వార్త చెప్పాడు. త‌ను పూర్తిగా కోలుకున్న‌ట్టుగా ప్ర‌క‌టించి ఆనంద ప‌రిచాడు. ఈ రోజు ఆ విష‌యాన్ని అనౌన్స్ చేయ‌డానికి త‌న‌కెంతో ఆనందంగా ఉంద‌ని ద‌త్ వివ‌రించాడు. ఈ రోజు త‌న క‌వ‌ల పిల్ల‌ల పుట్టిన రోజు కూడా అని పేర్కొన్నాడు సంజ‌య్ ద‌త్.
దేవుడి ద‌య‌తో త‌ను కోలుకున్న ఆనందాన్ని వ్య‌క్తం చేశాడు. త‌న‌కు చికిత్సను అందించిన వైద్యుల‌కు, న‌ర్సుల‌కు, కోకిలా బెన్ ఆసుప‌త్రి వ‌ర్గాల‌కు సంజ‌య్ ద‌త్ త‌న పోస్టులో కృత‌జ్ఞ‌త‌లు తెలిపాడు. త‌న కోసం ప్రార్థించిన వారంద‌రికీ ప్ర‌త్యేక ధ‌న్య‌వాదాల‌ను తెలిపాడు ఈ స్టార్ హీరో. ప్రస్తుతం సంజ‌య్ ద‌త్ బిజీ ఆర్టిస్టుగానే ఉన్నారు. వంద‌ల కోట్ల రూపాయ‌ల బ‌డ్జెట్ సినిమాలు ఆయ‌న మీద ఆధార‌ప‌డి ఉన్నాయి.