రియా.. దామినీ డాటర్.. ఎవరో తెలుసా?

సోషల్ మీడియాలో కొన్ని ఎప్పుడు, ఎలా వైరల్ అవుతాయో తెలీదు. ఇది కూడా అలాంటిదే. “రియా ఎవరు.. దామినీ డాటర్.. దామినీ ఎవరు.. రియాస్ మదర్..” అంటూ మత్తు వదలరా-2లో ఓ సీన్ ఉంది.

ఓటీటీలోకి వచ్చిన తర్వాత ఈ సినిమా బాగా సక్సెస్ అవ్వడంతో పాటు, ఉన్నఫలంగా ఆ సీన్ వైరల్ అయింది. అంతా ఆ సన్నివేశాన్ని రీల్స్ చేయడం మొదలుపెట్టారు. చివరికి నాగబాబు-నిహారిక లాంటి సెలబ్రిటీలు కూడా దానిపై రీల్స్ చేసేసరికి ఒక్కసారిగా అందరి దృష్టి రియాపై పడింది.

అసలు ఈ రియా ఎవరు.. రియా పాత్రను అంత బాగా పోషించిన ఆ అమ్మాయి ఎవరంటూ ఆరా తీయడం మొదలుపెట్టారు.

‘మత్తు వదలరా 2’లో రియా పాత్రను పోషించిన అమ్మాయి పేరు ఇషా యాదవ్. యూట్యూబ్, ఇనస్టాగ్రామ్ లో ఈమె చాలా ఫేమస్. సోషల్ మీడియాలో ఈమె రీల్స్ కు సెపరేట్ ఫ్యాన్ ఫాలోయింగ్ ఉంది.

ఇవి చూసే రితేష్ రానా ఆమెకు అవకాశం ఇచ్చాడు. ఇషా యాదవ్ కు సౌత్ లో ఇదే తొలి సినిమా. ‘మత్తు వదలరా 2’లో ఆమె చేసింది చాలా చిన్న పాత్ర అయినప్పటికీ, కథ మొత్తం ఆమె చుట్టూనే తిరుగుతుందనే విషయం సినిమా చూసిన వాళ్లకు అర్థమౌతుంది.

‘మత్తు వదలరా 2’ ఓటీటీలోకి వచ్చిన తర్వాత రియా అలియాస్ ఇషాకు క్రేజ్ అమాంతం పెరిగింది. ఇన్ స్టాగ్రామ్ లో ఆమెకు ఫాలోవర్స్ రోజురోజుకు పెరుగుతున్నారు. ఊహించని విధంగా వచ్చిన క్రేజ్ తో ఆమెకు తెలుగు నుంచి మరిన్ని అవకాశాలు వచ్చినా రావొచ్చు.