గతంలో ఉప్పెన కోసం హైదరాబాద్ లో ఏకంగా సముద్రం సెట్ వేశారు. చాలా సన్నివేశాల్ని అందులోనే తీశారు. ఇప్పుడు తండేల్ కోసం కూడా అదే పద్ధతి ఫాలో అవుతున్నారు. శ్రీకాకుళంలోని ఓ మత్స్యకార గ్రామం నేపథ్యంలో సాగే ఈ సినిమా కోసం హైదరాబాద్ లో ప్రత్యేకమైన సెట్ వేశారు. ప్రస్తుతం ఆ సెట్ లోనే షూట్ చేస్తున్నారు.
తాజాగా తండేల్ నుంచి ఆన్-లొకేషన్ స్టిల్స్ రిలీజ్ చేశారు. వీటిలో నాగచైతన్య, సాయిపల్లవి సాధారణ దుస్తుల్లో కనిపిస్తున్నారు. మత్స్యకార గ్రామాన్ని తలపించేలా వేసిన సెట్స్ లో హీరోహీరోయిన్లపై కొన్ని సన్నివేశాలు తెరకెక్కిస్తున్నారు. ఈ సినిమాకు కొబ్బరికాయ కొట్టినప్పట్నుంచి, వివిధ దశల్లో ప్రచారం చేస్తూనే ఉన్నారు. ఇప్పటికే 2 గ్లింప్స్ రిలీజయ్యాయి. వాటికి అదనంగా ఎప్పటికప్పుడు వర్కింగ్ స్టిల్స్ రిలీజ్ చేస్తున్నారు.
గీతా ఆర్ట్స్ బ్యానర్ పై తెరకెక్కుతోంది తండేల్ సినిమా. కార్తికేయ-2 త ర్వాత చందు మొండేటి చేస్తున్న సినిమా ఇదే. కెరీర్ లో తొలిసారి ఈ తరహా కథను భుజానికెత్తుకున్న చందు.. నటీనటుల గెటప్‌లు, కాస్ట్యూమ్స్, బాడీ లాంగ్వేజ్, యాసలతో సహా ప్రతిదీ పర్ఫెక్ట్‌గా ఉండేలా చూసుకుంటున్నాడు.
దేవిశ్రీ ప్రసాద్ ఈ సినిమాకు సంగీతం అందిస్తుండగా.. శ్యామ్ దత్ కెమెరామెన్ గా పని చేస్తున్నాడు. త్వరలోనే ఈ సినిమా విడుదల తేదీని ప్రకటించబోతున్నారు. దీనికోసం కూడా వీళ్ల దగ్గర ఓ వినూత్న ప్రచార కార్యక్రమం సిద్ధంగా ఉంది.
అందరూ ఒక వైపు.. ఆ ఒక్కడూ మరో వైపు
బిగ్ వికెట్: టీడీపీ నుంచి వైసీపీలోకి! 
బావను ఓడించేందుకు వైసీపీలోకి మరదలు! 
మరో బ్రేకప్.. అవును, వాళ్లిద్దరూ విడిపోయారు 
బాబు భక్తుడు వైసీపీలోకి... సీన్ చేంజ్? 
బైరెడ్డికి అఖిలప్రియ షాక్... ఇండిపెండెంట్గా భర్త!