అయ్య‌ప్ప‌నన్ రీమేక్.. రెండు భాష‌ల్లో స‌ర్వం సిద్ధం!

సూప‌ర్ హిట్ మ‌ల‌యాళ సినిమా 'అయ్య‌ప్ప‌నన్ కోషియుం' ను వివిధ భాష‌ల్లో రీమేక్ చేయ‌నున్నార‌నే వార్త‌లు వ‌స్తున్న సంగ‌తి తెలిసిందే. తెలుగులో కూడా ఈ సినిమా రీమేక్ ప్ర‌తిపాద‌న ఉంది. తెలుగులో ఇప్ప‌టికే ఈ విష‌యంలో బ్యాన‌ర్ల పేర్లు, న‌టుల పేర్లు కూడా వినిపించాయి. అయితే ఇంకా స్ప‌ష్ట‌త లేదు. ఇంకా ప్ర‌చారాలే సాగుతూ ఉన్నాయి. అంతిమంగా ఎవ‌రు ఈ రీమేక్ లో న‌టిస్తార‌నేది కొశ్చ‌న్ మార్కే.

ఆ సంగ‌త‌లా ఉంటే ప‌క్క భాష‌ల వాళ్లు మాత్రం అయ్య‌ప్ప‌న‌న్ కోషియుం రీమేక్ విష‌యంలో వేగంగా క‌నిపిస్తున్నారు. త‌మిళులు ఇప్ప‌టికే ఈ సినిమా విష‌యంలో రీమేక్ ట్ర‌య‌ల్స్ లో ఉన్నారు. అక్క‌డ శ‌ర‌త్ కుమార్, శశి కుమార్ లు ప్ర‌ధాన పాత్ర‌ల్లో ఈ సినిమా రూపొంద‌నుంద‌ని వార్త‌లు వ‌స్తున్నాయి. అయ్య‌ప్ప పాత్ర‌లో శ‌ర‌త్ కుమార్, కోషీ పాత్ర‌లో శ‌శికుమార్ లు క‌నిపించే అవ‌కాశాలున్నాయి. ఆ పాత్ర‌ల‌కు వీరు చ‌క్క‌గా ఫిట్ అయ్యే అవ‌కాశాలున్నాయి. అయితే అయ్య‌ప్ప‌న్ రోల్ లో శ‌శి న‌టించే ఆలోచ‌న కూడా ఉంద‌ట‌. అదే జ‌రిగితే కోషీ రోల్ కు వేరే న‌టుడు కావాల్సి ఉంటుంది.

ఆ సంగ‌త‌లా ఉంటే.. హిందీలో కూడా ఈ సినిమా రీమేక్ ప్రతిపాద‌న ఉంది. అందుకు సంబంధించి హ‌క్కుల కొనుగోలు కూడా జ‌రిగింద‌ని స‌మాచారం. జాన్ అబ్ర‌హం ఈ సినిమా హ‌క్కుల‌ను కొనుగోలు చేసిన విష‌యాన్ని ఆయ‌న ప్ర‌క‌టించారు. ఇది వ‌ర‌కూ కూడా జాన్ అబ్ర‌హం ప‌లు సినిమాల‌ను హిందీలో నిర్మించాడు. ఇప్పుడు ఈ రీమేక్ ప‌ట్ల చాలా ఎక్స‌యిటింగ్ ఉంద‌ని జాన్ ప్ర‌క‌టించాడు. ఎలాగూ ఈ రీమేక్ కు జాన్ నిర్మాత కాబ‌ట్టే త‌నే ఒక పాత్ర‌లో న‌టించ‌వ‌చ్చు. మ‌రో పాత్ర‌లో ఇంక‌వెర‌నేది ఇంకా ప్ర‌క‌టించాల్సిన అంశం. 

టీటీడీ భూములు బేరం పెట్టిందే మీరు