Epaper
బీజేపీ నేత‌ల‌పై తెలంగాణ మంత్రి కేటీఆర్ స‌మ‌యం, సంద‌ర్భం చూసుకుని వ్యంగ్య ట్వీట్ల‌తో అద‌ర‌గొడుతున్నారు. మునుగోడుకు ఉప ఎన్నిక రానున్న నేప‌థ్యంలో బీజేపీ అగ్ర‌శ్రేణి నాయ‌కులంతా తెలంగాణ‌కు క్యూ క‌డుతున్నారు.
ఇటీవ‌ల మాజీ ఎమ్మెల్యే కోమ‌టిరెడ్డి రాజ‌గోపాల్‌రెడ్డిని పార్టీలో చేర్చుకునేందుకు స్వ‌యంగా కేంద్ర‌హోంమంత్రి అమిత్‌షానే తెలంగాణ‌కు వ‌చ్చారు. తాజాగా తెలంగాణ బీజేపీ అధ్య‌క్షుడు బండి సంజ‌య్ ప్ర‌జాసంగ్రామ పాద‌యాత్ర ఇవాళ ముగియ‌నుంది.
ఈ సంద‌ర్భంగా ఏర్పాటు చేసిన స‌భ‌లో పాల్గొనేందుకు బీజేపీ జాతీయ అధ్య‌క్షుడు నడ్డా వ‌స్తున్నారు. ఇదే అదునుగా భావించిన తెలంగాణ మంత్రి కేటీఆర్ బీజేపీకి దిమ్మ తిరిగే సెటైర్ విసిరారు.
“ఈ రోజు జేపీ నడ్డా చప్పల్‌ను ఏ గులాం మోస్తారు?. కచ్చితంగా తీవ్రమైన పోటీ ఉంటుందని నేను అనుకుంటున్నాష అని కేటీఆర్ ట్వీట్ చేశారు. ఈ ట్వీట్‌కు ఆస‌క్తిక‌ర‌మైన కార్టూన్‌ను జ‌త చేయ‌డం విశేషం. ఈ కార్టూన్‌లో నడ్డా వ‌స్తుంటే, ఆయ‌న‌కు చెప్పుల‌ను బీజేపీ నేత సిద్ధంగా ఉంచ‌డం గ‌మ‌నార్హం.
ఇటీవ‌ల అమిత్‌షా చెప్పుల‌ను బండి సంజ‌య్ మోయ‌డం తీవ్ర విమ‌ర్శ‌ల‌కు దారి తీసింది. తెలంగాణ ఆత్మ‌గౌర‌వాన్ని అవ‌మానించేలా బండి సంజ‌య్ వ్య‌వ‌హ‌రించార‌ని ప్ర‌త్య‌ర్థులు సోష‌ల్ మీడియాలో ఉతికి ఆరేసిన సంగ‌తి తెలిసింది. ఆ ఘ‌ట‌న ఆస‌రాగా తీసుకుని నడ్డా చెప్పులు కూడా మోస్తార‌ని కేటీఆర్ విసిరిన సెటైర్ చ‌ర్చ‌నీయాంశ‌మైంది.