Epaper
అమెరికాలో ఇప్పుడు ఏ తెలుగువారి నోట విన్న వినిపిస్తున్న పేరు జగన్ జగన్.. రేపు శనివారం జరగబోయే సభకి డల్లాస్ కన్వెన్షన్ సెంటర్ అంగరంగ వైభవంగా ముస్తాబవుతోంది. స్థానిక తెలుగువారు రాష్ట్ర ముఖ్యమంత్రికి స్వాగతం పలుకుతూ పెద్ద పెద్ద హోర్డింగ్లు ఏర్పాటు చేయటంతో ఇప్పటికే డల్లాస్ నగరంలో పండగ వాతావణం నెలకొన్నది. మరొకపక్క టెక్సాస్ లోని పెద్ద నగరాలైన హ్యూస్టన్, శాన్ ఆంటోనియో, ఆస్టిన్ ల నుండి ప్రజలు పెద్దఎత్తున బస్సులలో తరలివెళ్ళటానికి స్థానిక తెలుగువారు ఏర్పాట్లు చేసుకొంటున్నారు.
కుటుంభంలో పిల్లలతో సహా ముఖ్యమంత్రి మీటింగ్ కి తరలివెళ్ళటానికి అనేకమంది ఉత్సహంగా ముందుకు వస్తుండటంతో ఆందరూ కలిసి వెళ్లాలనే ఉద్దేశ్యంతో పై నగరాలలోని స్థానిక తెలుగువారే స్వచ్చందంగా బస్సులు ఏర్పాటు చేసుకోవటంతో ఆయా నగరాలలో కూడా పండగ వాతావరణం నెలకొన్నది.
మరొకపక్క డల్లాస్ లోని స్థానిక తెలుగువారు సభ ఏర్పట్లతోపాటుగా తమ నగరానికి వస్తున్న అతిధితులుకి భోజనాలు, బస ఏర్పాటులలో తలమునకలై శక్తివంచన లేకుండా కృషి చేస్తున్నారు. ఇప్పటికే సెక్యూరిటీ పరంగా ఎలాంటి లోటుపాట్లు లేకుండా నిన్ననే వివిధ సెక్యూరిటీ ఏజెన్సీలతో మీటింగ్ ప్రాంతమంతా తనిఖీలు చేయటంతో పాటుగా ముఖ్యమంత్రి పర్యటనకి సంబధించి రూట్ మ్యాప్ రిహార్సులు కూడా చేయటం జరిగింది.
అమెరికాలోని మిగిలిన రాష్ట్రాలలో ఉన్న కొంతమంది తెలుగువారు ఒకరోజు ముందుగానే డల్లాస్ చేరుకొని స్థానిక వాలంటీర్లతో కలిసి పనిచేస్తూ ఎవరికీ ఎలాంటి అసౌకర్యం కలగకుండా ఏర్పాట్లు చేస్తున్నారు.