ఈవారం ట్రేడ్‌ టాక్‌

రాజ్‌ తరుణ్‌కి ప్రేక్షకుల్లో ఏర్పడ్డ గుడ్‌విల్‌ 'అంధగాడు' చిత్రానికి డీసెంట్‌ ఓపెనింగ్‌ తెచ్చిపెట్టింది. మాస్‌ ఫ్రెండ్లీ ట్రీట్‌మెంట్‌, స్క్రీన్‌ప్లే వల్ల ఈ చిత్రం సింగిల్‌ స్క్రీన్స్‌లో బాగానే పర్‌ఫార్మ్‌ చేస్తోంది. రాజ్‌ తరుణ్‌ గత రెండు చిత్రాల్లానే ఇది కూడా నిర్మాతకి, బయ్యర్లకి లాభదాయకమవుతుందని ట్రేడ్‌ చెబుతోంది.

'రారండోయ్‌ వేడుక చూద్దాం' అన్నపూర్ణ స్టూడియోస్‌ సంస్థలో మరో విజయంగా నిలిచింది. అయితే ఈ చిత్రంతో నాగచైతన్య ఆశించిన భారీ స్థాయి విజయం మాత్రం దక్కలేదు. ప్రస్తుతానికి షేర్స్‌ మీద రన్‌ అవుతోన్న ఈ చిత్రం ఫుల్‌ రన్‌లో పాతిక కోట్ల షేర్‌కి అటు ఇటుగా సాధిస్తుందని అంచనా.

గతవారం విడుదలైన వంశీ చిత్రం 'ఫ్యాషన్‌ డిజైనర్‌ సన్నాఫ్‌ లేడీస్‌ టైలర్‌' డిజాస్టర్‌ అయింది. కనీసం ఓపెనింగ్స్‌ కూడా రాని ఈ చిత్రాన్ని మొదటి మూడు రోజుల్లోనే చాలా చోట్ల నెట్‌ ఫ్రీ బేసిస్‌లో రన్‌ చేసుకోవాల్సి వచ్చింది. ఈవారం రెండు కొత్త చిత్రాలు రిలీజ్‌ అయ్యాయి. ఆరడుగుల బుల్లెట్‌, అమీతుమీ చిత్రాలు 'దువ్వాడ జగన్నాథమ్‌' రిలీజయ్యే వరకు బాక్సాఫీస్‌ని బిజీగా వుంచుతాయేమో చూడాలి.