Epaper
నాగచైతన్య హీరోగా సుధీర్‌వర్మ దర్శకత్వంలో రూపొందుతోన్న చిత్రానికి ఇంకా టైటిల్‌ నిర్ణయించలేదనే సంగతి తెలిసిందే. ఈ చిత్రానికి ఫలానా టైటిల్‌ పెడుతున్నారంటూ మీడియాలో చాలా పేర్లే వినిపించాయి కానీ ‘స్వామి రారా’ దర్శకుడు అవన్నీ తోసిపుచ్చాడు. తాజాగా మరో టైటిల్‌ తెర మీదకి వచ్చింది.
ఈ చిత్రం కోసం ‘హరిలోరంగహరి’ అనే టైటిల్‌ పరిశీలిస్తున్నారని తెలిసింది. ఈ టైటిల్‌ వింటే ‘స్వామి రారా’ వైబ్‌ ఉందనిపిస్తోంది కనుక ఇది ఫిక్స్‌ అయిపోతుందని అనుకోవచ్చు. టైటిల్‌లో అచ్చమైన తెలుగుదనం ఉట్టిపడడంతో పాటు హరి నామ జపం కూడా ఉంది కనుక మంచి టైటిల్‌ కుదిరినట్టే అనిపిస్తోంది.
సుధీర్‌ వర్మ మాత్రం ఈ సినిమాకి టైటిల్‌ ప్రకటించడానికి ఇంకా టైమ్‌ ఉందని అంటున్నాడు. అందుకే చైతన్య బర్త్‌డే సందర్భంగా కట్‌ చేసిన టీజర్‌ని కూడా టైటిల్‌ లేకుండానే రిలీజ్‌ చేస్తున్నారట. ఫస్ట్‌ లుక్‌ టీజర్‌ని టైటిల్‌ లేకుండా విడుదల చేయడం కూడా ప్రత్యేకతే అనుకోవాలి. కామెడీ థ్రిల్లర్‌గా రూపొందుతోన్న ఈ చిత్రంలో ‘1 నేనొక్కడినే’ ఫేమ్‌ క్రితి సనన్‌ హీరోయిన్‌గా నటిస్తోంది.