బాలీవుడ్ కు దారేది

అత్తారింటికి దారేది..పవన్ ప్లస్ త్రివిక్రమ్ కలిసి అందించిన బ్లాక్ బస్టర్. నిన్న మొన్నటి దాకా, టాలీవుడ్ టాప్ కలెక్షన్ రికార్డు ఈ సినిమా పేరిటే వుంది. ఈ సినిమాను బాలీవుడ్ లోకి తీసుకెళ్లాలన్న ఆలోచన ఎప్పటి నుంచో వుంది.

అప్పట్లో షారూక్ ను అడిగారని, కానీ అంతగా ఆసక్తి చూపించలేదని టాక్ వుంది. ఇప్పుడు మళ్లీ ఈ వ్యవహారం కదులుతోందని వినికిడి. సరైన హీరో ఎవరు అన్న దానిపై ఇప్పుడు డిస్కషన్ కమ్ సెర్చింగ్ సాగుతోందని వినికిడి.

అయితే ఈ సినిమాకు త్రివిక్రమ్ దర్శకత్వం వహించడం ద్వారా, బాలీవుడ్ కు వెళ్తారా లేదా, ఎవరికైనా అప్పగిస్తారా అన్నది తెలియలేదు. ఎందుకంటే ప్రస్తుతం నితిన్ సినిమాతో, ఆ తరువాత మహేష్ సినిమాతో త్రివిక్రమ్ మరో ఏడాది వరకు బిజీనే అనుకోవాలి. కానీ బ్యానర్ మాత్రం హారిక హాసిని కావచ్చని తెలుస్తోంది.