లేడీ డైరక్టర్ సినిమాలో నందిత

ప్రేమ కథా చిత్రమ్ సినిమాతో తనేంటో ప్రూవ్ చేసుకున్న నందిత మెలమెల్లగా బిజీ అవుతోంది. ఇప్పటికే చేతిలో ఒకటి రెండు సినిమాలు వున్నాయి. మలయాళంలో పృధ్వీరాజ్ తో చేసిన సినిమా తెలుగులోకి డబ్ అవుతోంది. ఇప్పుడు మరో సినిమా కూడా ఆమెకే దక్కేలా వుంది.

లేడీ డైరక్టర్ ఆర్. జయ తీయ తలపెట్టిన సినిమాకు ఆమెను హీరోయిన్ గా ఎంచుకుంటున్నట్లు తెలుస్తోంది. నిజానికి ఈ సినిమా అందరూ కొత్తవారితో తీయాలని అనుకున్నారు. కానీ హీరోయిన్ పాత్రకు కొత్త వాళ్లని తెచ్చకుని ట్రయినింగ్ ఇచ్చేంత టైమ్ లేక, నందితను తీసుకుందామని అనుకుంటున్నారట. మరి ఇంతకీ నందిత పక్కన కొత్త హీరో అంటే బాగుంటుందా..మళ్లీ దానికీ ఎవరినైనా ట్రయ్ చేస్తారా..చూడాలి.