Epaper
‘వెంకటాద్రి ఎక్స్‌ప్రెస్‌’ సినిమాతో తెలుగు హీరోయిన్‌గా ఓ మోస్తరు గుర్తింపు తెచ్చుకున్న రకుల్‌ ప్రీత్‌ సింగ్‌ చుట్టూ ఇప్పుడు టాలీవుడ్‌ యంగ్‌ హీరోస్‌ చక్కర్లు కొడ్తున్నారు. ఇప్పుడామె ఖాతాలో నాలుగైదు తెలుగు సినిమాలున్నాయి. మంచి హైటూ.. ఆ హైటుకు తగ్గ పర్సనాలిటీ.. అన్నిటికీ మించి అందం వున్న రకుల్‌ ప్రీత్‌సింగ్‌, బాలీవుడ్‌లోనూ ఒకటీ అరా సినిమాల్లో నటించింది.
ఇక అసలు విషయానికొస్తే, ఆమెను బ్యాంకాక్‌లో ఎవరో దోచేశారట. ఆగండాగండీ, సెలవుల్లో ఎంజాయ్‌ చెయ్యడానికోసం ఫ్రెండ్స్‌తో కలిసి బ్యాంకాక్‌కి వెళితే ఆమె పర్సని ఎవడో కొట్టేశాడు. అదీ అసలు విషయం. ఆ పర్స్‌ మొత్తం విలువ లక్ష రూపాయలకుపైనే వుంటుందట. 60 వేల రూపాయల క్యాష్‌, రెండు ఖరీదైన మొబైల్స్‌ ఆ పర్స్‌లో వున్నాయట.
మిగతా ఫ్రెండ్స్‌ సహాయంతో టూర్‌ని ఎలాగోలా కొనసాగించినా, దోపిడీ ఘటనతో ఒక్కసారిగా షాక్‌కి గురైంది రకుల్‌ ప్రీత్‌ సింగ్‌. ఇకపై విదేశాలకు వెళ్ళేటప్పుడు ఇంకాస్త జాగ్రత్తగా వుండాలని రకుల్‌ డిసైడ్‌ అయ్యింది. అదీ సంగతి.