బన్నీచాన్స్ చేజారిందా?

కొత్త డైరక్టర్ కు బన్నీ చాన్స్ ఇస్తున్నాడు అన్నది ఆ మధ్య చాలా గట్టిగా వినిపించిన మాట వాస్తవం. ఓ కొత్త దర్శకుడు తెచ్చిన బాక్సింగ్ నేపథ్యంలో తయారుచేసిన లైన్ ను విని బన్నీ చాలా ఆసక్తి కనబర్చాడు. డెవలప్ చేయమని చెప్పాడు. ఆ తరువాత డైరక్షన్ ఎలా వుంటుందో అని చిన్న టెస్ట్ షూట్ చేసుకోవడానికి కూడా ఏర్పాట్లుచేసాడు.

అయితే ఇప్పుడు ఆ సినిమా విషయంలో మళ్లీ బన్నీ ఆలోచనలో పడ్డాడని తెలుస్తోంది. లైన్ ను స్క్రిప్ట్ గా మార్చే క్రమంలో కొత్త దర్శకుడు రెడ్డి బన్నీచేత పూర్తిగా ఓకె చేయించుకోలేకపోయాడని తెలుస్తోంది. దీంతో బన్నీ పునరాలోచనలో పడ్డాడని వినికిడి.

ప్రస్తుతం బన్నీ చేస్తున్న నా పేరు సూర్య సినిమా వ్యవహారాలు ఏప్రియల్ ఎండింగ్ కు పూర్తవుతాయి. మే అంతా రెస్ట్ తీసుకుని, జూన్ నాటికి కొత్త సినిమా మీదకు వెళ్లాలని ఆలోచన. కానీ ఎవరు? ఎవరు? రెడీగా వున్నారు అంటే ఎవ్వరూ కనిపించడం లేదు. కొరటాల శివతో చేయాలని వుందని వినికిడి. కానీ అది సాధ్యమయ్యేలా లేదు. ఎందుకో కొరటాల శివ మాత్రం బన్నీ వైపు చూడడం లేదు. ఆ మాటకు వస్తే పెద్ద డైరక్టర్లు ఎవ్వరూ బన్నీ వైపు చూడడం లేదు.

బన్నీ క్యాంప్ లో టైమ్ వేస్ట్ ఎక్కువ వుంటుందని ఇండస్ట్రీలో టాక్. కథ మీద భయంకరమైన కసరత్తు వుంటుందని, అంత సులువుగా ప్రాజెక్ట్ టేకాప్ కాదని, బన్నీ తో సినిమా చేసే టైమ్ లో బయట రెండు సినిమాలు చేయవచ్చని టాక్. మరి ఇలాంటి టాక్ నేపథ్యంలో బన్నీతో తరువాతి సినిమా ఎవరు చేస్తారో చూడాలి.