Epaper
మొన్ననే ఓ యాడ్ షూట్ కోసం విదేశాలకు వెళ్లొచ్చాడు మహేష్. బాలీవుడ్ హీరో రణ్వీర్ సింగ్, మహేష్ కలిసి ఆ యాడ్ చేశారు. తెలుగు వెర్షన్ లో మహేష్, హిందీ వెర్షన్ లో రణ్వీర్ కనిపిస్తారన్నమాట. ఇప్పుడు మరోసారి ఈ హీరో ఫారిన్ టూర్ ప్లాన్ చేశాడు. ఈసారి యాడ్ షూటింగ్ కాదు. న్యూ ఇయర్ సెలబ్రేషన్స్ కోసం.
కొరటాల శివ దర్శకత్వంలో భరత్ అనే నేను సినిమా చేస్తున్నాడు మహేష్. ప్రస్తుతం ఈ మూవీ షూటింగ్ కేరళలోని కరైకుడిలో జరుగుతోంది. ఈనెల 26 వరకు అది కొనసాగుతుంది. ఆ వెంటనే నూతన సంవత్సర సంబరాల్లో పాల్గొనేందుకు ఫ్యామిలీతో కలిసి విదేశాలకు వెళ్లబోతున్నాడు మహేష్.
సంబరాల కోసం మహేష్ ఏ దేశం వెళ్తున్నాడనేది ప్రస్తుతానికి సస్పెన్స్. అంతేకాదు మహేష్ ఎన్నిరోజులు గడపబోతున్నాడనే విషయంపై కూడా క్లారిటీరాలేదు. అందుకే భరత్ అనే నేను సినిమాకు సంబంధించి నెక్ట్స్ షెడ్యూల్ వివరాలు వెల్లడించలేదు. కాకపోతే హైదరాబాద్ లోనే షూటింగ్ ఉంటుంది. ఇంతకుముందు స్పైడర్ సినిమా ఫ్లాప్ అయినప్పుడు ఆ బాధను మరిచిపోయేందుకు కుటుంబంతో కలిసి విదేశాలకు వెళ్లొచ్చాడు మహేష్.