మరో తమిళ సినిమాలో మీనాక్షి

మీనాక్షి చౌదరికి తమిళ సినిమాలు కొత్త కాదు. ఏకంగా స్టార్ హీరో విజయ్ సరసన ‘గోట్’ సినిమా చేసింది. ఓవైపు తెలుగులో బిజీగా ఉంటూనే, మరోవైపు తమిళ్ నుంచి వస్తున్న క్రేజీ ఆఫర్లను ఒడిసి పట్టుకుంటోంది ఈ బ్యూటీ. ఇందులో భాగంగా మరో ఇంట్రెస్టింగ్ మూవీకి అడుగు దూరంలో ఉంది.

తమిళ్ లో శింబు సరసన ఓ సినిమా చేయబోతోంది మీనాక్షి. త్వరలోనే అశ్వత్ మరిముత్తు (ఓరి దేవుడా మూవీ ఫేమ్) దర్శకత్వంలో ఓ సినిమా చేయబోతున్నాడు శింబు. ఈ సినిమాతో పాత శింబును చూస్తారని అతడు ఊరిస్తున్నాడు. ఇందులో హీరోయిన్ గా మీనాక్షిని దాదాపు ఫైనల్ చేశారు.

ప్రస్తుతం తెలుగులో వరుస సినిమాలతో బిజీగా ఉంది మీనాక్షి. ఆమె నటించిన ‘లక్కీ భాస్కర్’, ‘మట్కా’, ‘మెకానిక్ రాకీ’ సినిమాలు నెల రోజుల గ్యాప్ లో థియేటర్లలోకి రాబోతున్నాయి. చేతిలో మరో 3 సినిమాలున్నాయి. శింబు సినిమా కూడా దీనికి తోడవ్వబోతోంది.

శింబు-మీనాక్షి కాంబినేషన్ లో క్రేజీ లవ్ స్టోరీని ప్లాన్ చేశాడట అశ్వత్. కమల్ హాసన్, మణిరత్నం కాంబోలో వస్తున్న ‘థగ్ లైఫ్’లో కీలక పాత్ర పోషిస్తున్నాడు శింబు. ఆ సినిమా కొలిక్కి వచ్చిన వెంటనే తన సోలో సినిమా వివరాలు బయటపెడతాడు.